Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
AKTUALITET
"Një spiun në celularin dhe laptop-in tuaj"/ Gazetari: Vodafone dhe One duhet të tregojnë çfarë po ndodh me pajisjet DPI
r.llPërditësimi i fundit 29 Mars 2025, 17:12
foto ilustruese
TIRANË- Gazetari Emirjon Senja ka ngritur sot alarmin lidhur me instalimin e pajisjeve "Deep Packet Inspection" (DPI) në kompanitë e telefonit Vodafone dhe One Telecommunications.Senja shprehet se vendosja e këtyre pajisjeve pa një paketë rregullatore mbi përdorimin e të dhënave është një veprim që me shumë gjasa do të jetë një ndër skandalet më të mëdha.
Ai shkruan në postimin e tij në Facebook se Vodafone Albania dhe One që i kanë vendosur dhe futur tashmë në përdorim këto pajisje duhet të jenë transparent me qytetarët, por edhe të përgjegjshëm përballë ligjit dhe të tregojnë se në çfarë rrethanash kanë pranuar instalimin dhe dhënien e aksesit në rrjetet e tyre.
Gazetari shkruan se instalimi i DPI ështtë njëlloj sikur të vendosesh "screen record" në kompjuter apo celuar dhe çfarë shfaqet në ekranin tend të shihet nga të tjerët. Sipas tij kjo pajisje është tepër e rrezikshme nëse të dhënat kalojnë nëpër duart e personave të papërgjegjshëm. Ai përmendi si rast publikimin e rrogave, numrave të celularit dhe llogarite bankare.
POSTIMI I PLOTË:
Vendosja e pajisjeve Deep Packet Inspection (DPI) në kompanitë që bëjnë shpërndarjen e internetit pa një paketë rregullatore mbi përdorimin e të dhënave është një veprim më shumë se i guximshëm, që shkon në kufijtë e çmendurisë dhe paligjshmërisë dhe me shumë gjasa do të jetë një ndër skandalet më të mëdha dhe objekt i kronikave të përditshme. Historia sa ka filluar në fakt.
Vodafone Albania dhe One Telecomunications që i kanë vendosur dhe futur tashmë në përdorim këto pajisje duhet të jenë transparent me qytetarët, por edhe të përgjegjshëm përballë ligjit dhe të tregojnë se në çfarë rrethanash kanë pranuar instalimin dhe dhënien e aksesit në rrjetet e tyre.
Njoftimi për ndërperjen e Tik Tok erdhi pikërisht pasi këto pajisje ishin instaluar te Vodafone dhe One. Një mik me tregoi foto të këtyre pajisjeve të instaluara në njërën prej kompanive. Ekspertë të fushës si Besmir Semanaj dhe Tomi Kallanxhi kanë dhënë alarmin për instalimin e pajisjeve në fjalë duke folur edhe për rrezikun e madh që paraqesin, siç është kontrolli i trafikut të internetit duke patur akses në ëebsitet që vizitohen nga qytetarët dhe përmbatjen e tyre; komunikimet dhe i gjithë aktiviteti online.
Është njëlloj sikur të vendosesh screen record në kompjuter apo celuar dhe çfarë shfaqet në ekranin tend të shihet nga të tjerët. Imagjiononi të jetonit në një shtëpi xhami, pa perde, një shoqëri tepër “transparente”, siç e përshkruan Yevgeni Zamyatin në novelën “Ne”.
Është praktikë e shoqërive si kjo e jona që përdoren situata të ndryshme, siç është tani argumenti i Tik Tok për të kontrolluar qytetarët, dhe DPI janë pajisje tepër të rrezikshme nëse të dhënat kalojnë nëpër duart e personave të papërgjegjshëm. Shembuj të tillë kemi pafund këto vitet e fundit në Shqipëri.
I mbani mend si ia ulën pantallonat AKSHI-it ku dolën rrogat, numrat e celularit, llogaritë bankare? Nga ana tjetër, AKEP ka mbushur një listë prej rreth 13 000 aplikacionesh dhe webistesh të bllokuara me synimin gjoja për bllokimin e Tik Tok, ndërkohë që ka ankesa se janë bllokuar edhe aksese në faqet e kompanive ndërkombëtare të shitjeve online. Një rrëmujë e madhe, pa transparence ku po lihen hapësira të mëdha abuzimi.
