Zbardhen detaje rreth profilit të autori ttë ngjarjes në Maliq, që vrau një polic dhe plagosi një tjetër. Violand Bracellar...
AKTUALITET
"Para se të bëhej prift ka shërbyer në Psikiatri", Kryepeshkopi Joan i ftuar në podkastin e Ramës: Në gjimnaz lexova Ungjillin, atëherë më lindi dëshira t'i shërbeja Zotit
r.llPërditësimi i fundit 5 Prill 2025, 09:44
kryepeshkopi joan pelushi
TIRANË- Kryepeshkopi i i Kishës Ortodokse Autoqefale të Shqipërisë, Joan Pelushi ishte i ftuar ditën e sotme në podkastin "Flasim" të kryeministrit Edi Rama. Gjatë bashkëbisedimit, krepeshkopi tregoi momentin se kur ka lexuar për herë të parë Ungjillin, iu kthye sërish gëzimi i fëmijërisë. Ai po ashtu tregon se në atë kohë i lindi dhe bindja për t’u bërë prift dhe për t’i shërbyer Zotit.
"Unë vij nga një familje shumë e madhe dhe jo e krishterë, në atë kohë nuk praktikohej asnjë lloj besimi. Nuk ishte konvertim. Kur lexova për herë të parë Ungjillin, në vitin e 4 të gjimnazit ndodhi diçka thellë brenda meje. M’u kthye sërish gëzimi i fëmijërisë. Falemderova Zotin. Në atë çast jeta ime ndryshoi. Jo vetëm që lexova Ungjillin, por pata fatin të njihesha edhe me njerëz që kishin akses në libra të tilla. Bindja për t’u bërë prift dhe për t’i shërbyer Zotit lindi atëherë. Në atë kohë të bëheshe prift, ishte e paimagjinueshme.", u shpreh ai.
Kryepeshkopi Joan tha se pas leximit të Ungjillit, u pagëzua në Kishën Ortodokse të Shqipërisë. Sipas tij pagëzimi ishte dhe një nga arsyet për lidhjen e fortë me Kishën.
“Pas leximit të Ungjillit, unë u pagëzova në Shqipëri, Nuni ishte Petro Zheji. U pagëzova nga një prift hero, në bodrumin e shtëpisë së tij. Ndaj ishte edhe lidhja me Kishën Ortodokse sepse aty u pagëzova. Dhe më pas shkova në Amerikë, për të studiuar. Por unë u thashë që në momentin që Kisha do hapej atje unë do të kthehem.", tha ai.
Gjatë bashkëbisedimit, kryeministri Rama ka zbuluar se Kryepeshkopi, para se të bëhej prift ka shërbyer në Psikiatri si infermier.
“Arsyeja përse shkova atje, ishte frymëzimi i ungjillit. Familja u çudit fillimisht sepse isha një djalë i ri. Kur shkova dhe pashë atë realitet, nis një dhembshura e madhe për këta njerëz. Ajo që ndjeva herën e parë ishte dhembshuri, aq më tepër kur pashë që atje ishte edhe një person që e kisha njohur e kisha pasur në klasë. Mendja është gjëja më e rëndësishme e njeriut. Këta njerëz duhet të ndihmohen”, tha Imzot Joan Pelushi.
