Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
AKTUALITET
"Parkimi i QSUT vatër e re korrupsioni"/ Denoncimi i gazetares Skënderi: Qytetarët detyrohen të paguajnë edhe pse nuk marrin shërbim
I.APërditësimi i fundit 24 Qershor 2024, 14:04
TIRANË- Një denoncim në lidhje me parkimin te ambientet e Qendrës Spitalore Unversitare Nënë Tereza është bërë ditën e sotme. Gazetarja Arestina Skënderi thekson se administratorët e parkimit në këtë spital kanë ngritur një skemë vjedhjeje, duke zhvatur çdo ditë qytetarët.
Sipas saj, edhe pse nuk gjejnë vende parkimi për makinat, qytetarët detyrohen të paguajnë pasi ndryshe administratorët e parkimit nuk i lejojnë që të dalin nga aty. Kjo situatë i ka ndodhur dhe gazetares në fjalë ditën e sotme, ku edhe pse nuk ka marrë shërbimin e caktuar, është detyruar që të paguaj tarifen prej 100 lekësh, pasi punonjësja te dalja e parkimit nuk hapte traun. Ndërkohë që në vend që qytetarët që nuk kishin marrë shërbimin e caktuar për shkak të vendeve të kufizuara, të lejoheshin të dilnin nga aty, sipas gazetares, përballeshin dhe me ofendimet e punonjëses së parkimit.
Postimi i Plotë:
“PARKIMI I QSUT, VATËR E RE KORRUPSIONI” Ja si vidhen çdo ditë familjarët e të sëmurëve… Ne spitalin me te madh ne vend ”Nënë Tereza” administratorët e parkimit kanë ngritur një skemë vjedhje. Sot kisha vizitë tek një nga spitalet, mora bileten e parkimit dhe u futa brenda. Përrreth 40 minuta i kam rënë te gjithe spitalit anë e mbanë, une dhe 30 automjete te tjera, asnjëri prej nesh nuk gjeti vend. I kam dhënë makinës me nje frikë të madhe, njerëz që kalonin rrugën te stresuar nga semundjet e hallet e tyre, makina te parkuara dyshe apo treshe. Në fund u dorezova se kerkuari dhe ju drejtova daljes. Zonja: 100 lekë bën!!!!!!!! Unë: Më fal, por për çfarë po paguaj? Zonja: A u fute ne parkim do paguash, gjete apo nuk gjete punë e jotja, pse vini parkoni ketu… Unë: Nuk paguaj për shërbimin që nuk kam marr Nderkohe pas meje vargu i makinave nuk numerohej.. Te gjithe i binin boriave. 3 zoteri qe ankoheshim per te njejtin problem, por zonja ne fjalë, qe ishte pjese e korrupsionit, i ofendonte. Bllokova rrugen dhe nuk leviza per disa minuta. Pranë meje u afrua nje djali i ri me lot ne sy dhe me tha Djali: “Të lutem, e di qe ke te drejtë, por kam gjithe naten me spital, kam familjarë me semundje te rëndë.Unë kam kohë që vidhem nga këto.” Pas kesaj fjalie nuk munda më.. Perveç korrupsionit, administaroret e parkimit krijon edhe konflikt civil mes qytetareve. Ministre e Shëndetësisë Albana Koçiu qindra qytetarë vidhen çdo ditë nga parkimi brenda spitalit. Veç halleve me sëmundjet, streset dhe të gjitha derdet që kanë mbi kokë i duhet edhe një vjedhje e pastër sapo futen ne këtë parkim. Drejtoresha e QSUT Alma Cani, nuk mund të mbyllni sytë para këtij problemi e të kyçeni në zyrë. Ky mund të jetë halli më i vogël i atyre qe kane semundje, por vjedhja qe i behet atyre çdo ditë është kriminale.
