Kryeministri Edi Rama ka vijuar sulmet ndaj protestuesve që prej javësh janë mbledhur në Tiranë kundër qeverisë së tij...
AKTUALITET
Policia hyn në “strofullën” e prostitucionit, arrestohen dy tutorët e gruas azerbajxhanase
PiranjatPërditësimi i fundit 22 Shkurt 2026, 13:09
Një operacion i zhvilluar nga Seksioni për Hetimin e Trafiqeve të Paligjshme në Drejtoria Vendore e Policisë Tiranë ka çuar në arrestimin e dy personave të dyshuar për shfrytëzim prostitucioni. Aksioni, i koduar “Network 3”, u finalizua pas një hetimi të kryer me metoda proaktive dhe në bashkëpunim me Prokurorinë.
Në pranga ranë shtetasit R. F., 20 vjeç dhe A. S., 39 vjeç, të dy banues në Tiranë. Sipas burimeve zyrtare, ata dyshohet se në bashkëpunim me njëri-tjetrin shfrytëzonin për prostitucion një shtetase nga Azerbajxhan, e cila ushtronte aktivitetin në një apartament të marrë me qira në rrugën “Mihal Guri”.
Gjatë ndërhyrjes, uniformat blu sekuestruan një shumë parash të dyshuara si të përfituara nga kjo veprimtari e paligjshme, si dhe katër telefona celularë, që do t’i nënshtrohen ekspertizës hetimore. Ndërkohë, shtetasja e huaj është proceduar penalisht.
Njoftimi:
Finalizohet nga Seksioni për Hetimin e Trafiqeve të Paligjshme në DVP Tiranë, operacioni policor i koduar “Network 3”, pas një hetimi të kryer me metoda proaktive.
Shfrytëzonin 1 shtetase të huaj, për prostitucion, kapen dhe vihen në pranga 2 shtetas.
Procedohet penalisht dhe shtetasja e huaj që ushtronte prostitucion.
Sekuestrohen një shumë parash të dyshuara të përfituara nga kjo veprimtari e paligjshme dhe 4 celularë.
Specialistët e Seksionit për Hetimin e Trafiqeve të Paligjshme, si rezultat i veprimeve hetimore të kryera në drejtimin e Prokurorisë, pas një hetimi me metoda proaktive, kanë organizuar dhe finalizuar operacionin e koduar “Network 3”.
Në kuadër të këtij operacioni u arrestuan shtetasit R. F., 20 vjeç dhe A. S., 39 vjeç, banues në Tiranë.
Nga veprimet hetimore ka rezultuar se këta dy shtetas në bashkëpunim me njëri-tjetrin, shfrytëzonin për prostitucion një shtetase nga Azerbajxhani, e cila e ushtronte prostitucionin në një apartament me qira në rrugën “Mihal Guri”.
Në cilësinë e provës materiale u sekuestruan një shumë parash të dyshuara të përfituara nga kjo veprimtari e paligjshme dhe 4 celularë.
Materialet procedurale iu referuan Prokurorisë së Tiranës, për veprime të mëtejshme
