Banorë të zonës së Durrësit të Ri, e njohur ndryshe si Ish-Këneta, kanë protestuar mbrëmjen e sotme në Durr&eu...
AKTUALITET
FIER/ Me pistoletë në makinë, arrestohet 41-vjeçari! Në pranga edhe një i ri për ‘moskallëzim krimi’
PiranjatPërditësimi i fundit 22 Shkurt 2026, 11:42
Policia sekuestroi një armë zjarri tip pistoletë, një armë zjarri sportive tip pushkë ajrore, 2 celularë dhe automjetin me të cilin po udhëtonin 2 të arrestuarit.
Një 41-vjeçar në Fier ka rënë në prangat e Policisë, pasi është kapur teksa qarkullonte me armë zjarri në automjetin e tij.
Përmes një njoftimi, Policia bën të ditur se në pranga ka rënë edhe një 21-vjeçar, që ishte pasagjer në mjet, për ‘moskallëzim krimi’.
Ndërkohë Policia sekuestroi një armë zjarri tip pistoletë, një armë zjarri sportive tip pushkë ajrore, 2 celularë dhe automjetin me të cilin po udhëtonin 2 të arrestuarit.
Materialet për të dy të arrestuarit i kaluan prokurorisë për veprime të mëtejshme hetimore.
Fier / Finalizohet operacioni policor i koduar “Guns”, për goditjen e armëmbajtjes pa leje.
Qarkullonte me automjet i armatosur me armë zjarri, kapet dhe vihet në pranga 41-vjeçari.
Në pranga edhe një 21-vjeçar, pasagjer në automjet, për veprën penale “Moskallëzim krimi”.
Sekuestrohen arma e zjarrit tip pistoletë, një armë sportive, automjeti me të cilin udhëtonin të arrestuarit, dhe 2 celularë.
Në vijim të punës për goditjen e armëmbajtjes pa leje dhe identifikimin e personave që qarkullojnë të armatosur, shërbimet e Komisariatit të Policisë Fier, bazuar në informacionet e siguruara, organizuan dhe finalizuan operacionin policor të koduar “Guns”.
Në kuadër të këtij operacioni u arrestuan shtetasit J. B., 41 vjeç, dhe A. Ll., 21 vjeç, të dy banues në Fier.
Gjatë kontrollit të automjetit që drejtonte shtetasi J. B., shërbimet e Policisë gjetën dhe sekuestruan një armë zjarri tip pistoletë, me 5 fishekë në krehër.
Më pas, gjatë kontrollit të një servisi në pronësi të shtetasit J. B., u gjet dhe u sekuestrua një armë sportive tip pushkë ajrore.
Materialet procedurale iu referuan Prokurorisë së Fierit për veprat penale “Mbajtja pa leje dhe prodhimi i armëve, armëve shpërthyese dhe i municionit”, dhe “Prodhimi dhe mbajtja pa leje e armëve të gjuetisë dhe sportive”, në ngarkim të shtetasit J. B., si dhe “Moskallëzim i krimit”, në ngarkim të shtetasit A. Ll.
