Sali Berisha deklaron se Belinda Balluku duhet të ishte prapa hekurave dhe jo të ecte e lirë. Në një komunikim me gazetarët, kre...
AKTUALITET
Shkumbini gërryhet pa kriter, prokuroria nis hetimet pas shembjes së urës në Librazhd
PiranjatPërditësimi i fundit 22 Shkurt 2026, 11:09
Prokuroria, Policia Shkencore dhe IKMT Elbasan kanë nisur hetimet lidhur me gërryerjen e lumit Shkumbin në zonën e Dragostunjës, ku janë konstatuar rrëshqitje masive të tokës dhe dëmtime të konsiderueshme të territorit.
Inertet në Shkumbin gërryhen nga fadromat e ANK dhe 2T të cilat po punojnë për zgjerimin e Korridorit VIII, në zonën e Dragostunjës, gërryen shtratin e lumit.
Hetimi po përqendrohet në aktivitetin e shfrytëzimit në këtë zonë, ndërsa kompanisë i është kërkuar dokumentacioni përkatës për të verifikuar ligjshmërinë e punimeve dhe respektimin e kushteve mjedisore.
Njoftim për media:
Prokuroria pranë Gjykatës së Shkallës së Parë të Juridiksionit të Përgjithshëm Elbasan, në përgjigje të interesimit të mediave të ndryshme, bën me dije se ka filluar kryesisht procedimin penal për dëmtimet që kanë sjellë bllokimin tërësor të qarkullimit në aksin rrugor Librazhd-Pogradec. Ky procedim penal është regjistruar për veprat penale “Shpërdorim i detyrës”, “Shkelje e barazisë në tendera apo ankande publike”, “Shkatërrimi i rrugës”, “Ndotja e ajrit, ujit apo tokës”, parashikuar respektivisht nga nenet 248, 258, 155 dhe 201 të Kodit Penal. Për këtë qëllim është krijuar një grup hetimor.
