Ditën e mërkurë vendi ynë do të jetë nën ndikimin e masave ajrore të paqëndrueshme.
Moti parashikohet me vran&eu...
AKTUALITET
Prokurori i Tiranës konfirmohet në detyrë pasi u rikthye në shkollë për 1 vit
PiranjatPërditësimi i fundit 1 Nëntor 2025, 20:37
Kolegji i Posaçëm i Apelimit, KPA njoftoi të premten vendimin përfundimtar në çështjen e vetingut të prokurorit të Tiranës, Julian Xhengo, duke e konfirmuar atë në detyrë pas përfundimit të trajnimit në Shkollën e Magjistraturës.
Vendimi u mor në mënyrë unanime nga trupi gjykues i KPA i kryesuar nga Ina Rama, me relatore Mimoza Tasi dhe anëtarë Albana Shtylla, Rezarta Schuetz e Sokol Çomo, pas shqyrtimit në dhomë këshillimi të rezultateve të arritura prej Xhengos në trajnimin një vjeçar në Shkollën e Magjistraturës. Ky vendim i KPA është përfundimtar dhe ka efekt të mënjehrshëm. Ky vendim është përfundimtar dhe ka efekt të menjëhershëm.
Komisioni i Pavarur i Kualifikimit, KPK e shkarkoi Xhengon nga detyra më 14 shtator 2022, duke e konsideruar të papërshtatshëm për profesionalizmin, ndërsa gjetjet në kriterin pasuror dhe atë të pastërtisë së figurës u konsideruan në vlerësimin tërësor, në kuadër të cenimit të besimit të publikut tek sistemi i drejtësisë.
Pas ankimit të kryer nga Xhengo në KPA, shumica e trupit gjykues të shkallës së dytë të vetingut, megjithëse konfirmoi gjetjet dhe konkluzionet e KPK në kriterin e pasurisë dhe shumicën e konstatimeve për figurën, vlerësoi ndryshe lidhur me përdorimin e një automjeti në pronësi të një personi të përfshirë në krimin e organizuar.
Shumica mbajti qëndrim të ndryshëm prej Komisionit edhe për gjetjet në kriterin profesional, duke çmuar se mangësitë nuk janë të një rëndësie të tillë sa të sjellin penalizim, por se mund të shëroheshin përmes trajnimit në Shkollën e Magjistraturës. Bazuar në këto qëndrime të ndryshme për figurën dhe profesionalizmin, shumica e KPA vlerësoi se nuk mund të konkludohej për cenim të besimit të publikut tek drejtësia dhe Xhengu u urdhërua të ndiqte trajnimin një vjeçar në Shkollën e Magjistraturës.
Julian Xhengo i përfundoi studimet në Shkollën e Magjistraturës në vitin 2007 dhe punoi fillimisht në Prokurorinë e Vlorës dhe në atë të Fierit. Prej vitit 2008, ai e ushtron funksionin në Prokurorinë e Rrethit Gjyqësor Tiranë.
