Gjykata e Tiranës ka caktuar masën e sigurisë detyrim paraqitjeje për 18 persona të arrestuar gjatë protestave në Tiran&eum...
AKTUALITET
Qeveria e SHBA nuk miraton fondet, Ambasada Amerikane në Tiranë del me njoftimin e rëndësishëm për vizat
PiranjatPërditësimi i fundit 1 Tetor 2025, 09:20
Ambasada e Shteteve të Bashkuara në Tiranë ka bërë me dije se për shkak të mbylljes së përkohshme të qeverisë federale në SHBA, aktiviteti i saj në rrjetet sociale dhe disa shërbime konsullore do të jenë të kufizuara.
Përmes një postimi në Instagram, ambasada njofton se llogaria zyrtare në këtë rrjet nuk do të përditësohet rregullisht, përveç rasteve kur ka informacione urgjente që lidhen me sigurinë. Ky kufizim do të qëndrojë në fuqi derisa Kongresi amerikan të miratojë fondet e nevojshme për vazhdimin e plotë të funksionimit të qeverisë.
“Për shkak të vonesës në miratimin e fondeve buxhetore, kjo llogari në Instagram nuk do të përditësohet rregullisht, me përjashtim të informacioneve urgjente për çështjet e sigurisë, derisa të rinisë veprimtaria e rregullt,” thuhet në njoftimin zyrtar.
Megjithatë, Ambasada bën të ditur se shërbimet e planifikuara të pasaportave dhe vizave, si për tranzit drejt Shteteve të Bashkuara, ashtu edhe në ambasadat e konsullatat amerikane në vendet e tjera, do të vijojnë të ofrohen në masën që është e mundur.
Qytetarëve u bëhet thirrje të informohen përmes faqes zyrtare të Departamentit Amerikan të Shtetit: travel.state.gov, për të mësuar më shumë rreth shërbimeve konsullore dhe statusit aktual të funksionimit të ambasadave.
