Kavaja, Himara, Vlora, Kamza, Durrësi, Vora janë bashkitë më të varura nga të ardhurat që gjeneron ndërtimi, pasi t&eu...
AKTUALITET
Rënia e numrit të lindjeve, Bashkia Përmet: Në 2031 në shkollat e vendit do të ketë vetëm dy nxënës
PiranjatPërditësimi i fundit 15 Nëntor 2025, 11:40
Numri i nxënësve të rregjistruar në të gjithë Shqipërinë për vitin 2024–2025, ka shënuar një rënie më 1.5%, duke zbritur në 528,602 nga 536,780 që ishte një vit më parë.
Kjo problematikë raportohet edhe në Përmet, ku Bashkia e drejtuar nga Alma Hoxha arsyetohet me rënien e numrit të lindjeve dhe parashikon se në vitin 2031 në dy shkollat e vendit do të ketë vetëm dy nxënës në klasën e parë. Sipas bashkisë faji i mbetet numri të ulët të lindjeve dhe jo mungesa e investimeve dhe krijimi i kushteve. Nëse numri i nxënësve vijon të ulet, deri në vitin 2043 do të mbyllet përgjithmonë gjimnazi i qytetit.
Postimi i Bashkisë Përmet:
Këtë vit në Përmet vetëm dy nëna kanë lindur dy fëmijë. Sipas parashikimeve demografike në vitin 2031 do kemi dy shkolla 9 vjeçare me vetëm dy nxënës në klasën e parë, ndërkohë në vitin 2043 mbyllet përgjithmonë gjimnazi i qytetit. Përmetit i duhen urgjentisht politika sociale stimuluese!!!
Të dhënat e fundit të INSTAT tregojnë se Shqipëria po përballet me një rënie të vazhdueshme të lindjeve, e cila nuk kufizohet më vetëm në zonat e thella apo rurale, por po shtrihet në gjithë territorin. Në nëntëmujorin e vitit 2025 kanë lindur gjithsej 16,052 foshnja, me një rënie prej 4.6% krahasuar me të njëjtën periudhë të vitit të kaluar.
