Sami Sheen, vajza e aktorit të njohur Charlie Sheen dhe aktores Denise Richards, ka reaguar publikisht ndaj pretendimeve se jeta e saj luksoze financohet...
AKTUALITET
'Rrëmbimi' i monopatinave të qytetarëve, nesër protestë në Tiranë
PiranjatPërditësimi i fundit 14 Tetor 2025, 14:13
Një protestë është paralajmëruar të mbahet ditën e mërkurë, në orën 10:00, përpara Komisariatit të Policisë Rrugore në Tiranë, në shenjë kundërshtimi ndaj sekuestrimit masiv të monopatinave elektrike. Organizatorët e protestës akuzojnë ministrinë e Brendshme për veprim të jashtëligjshëm dhe të pa mbështetur në asnjë dokument zyrtar.
Sipas organizatorëve të protestës, qindra monopatina janë sekuestruar ditët e fundit nga qytetarët e Tiranës, mbi bazën e një urdhri të shpërndarë vetëm në rrjetet sociale, pa asnjë shkresë zyrtare të bërë publike nga Ministria e Brendshme apo nga strukturat kompetente.
"Ky aksion është ndërmarrë në kundërshtim të hapur me ligjin, duke vendosur qytetarët përballë kostove të padrejta financiare dhe duke cenuar pronën e tyre private," thuhet në njoftimin e bërë publik nga organizatorët e protestës.
Ata pretendojnë se qytetarët nuk janë njoftuar paraprakisht për ndonjë ndryshim në rregullat e qarkullimit apo përdorimit të monopatinave, dhe theksojnë se mjetet e tyre janë konfiskuar në mënyrë të papritur dhe pa proces të qartë ligjor.
“Jemi në kushtet e një abuzimi me pushtetin dhe një shkeljeje të të drejtave themelore të qytetarëve,” shprehen organizatorët, të cilët u bëjnë thirrje të gjithë pronarëve të monopatinave të jenë të pranishëm në protestë për të kërkuar llogari dhe rikthimin e mjeteve të tyre.
Ata kërkojnë që institucionet përaktëse të japin sqarime zyrtare për bazën ligjore të sekuestrimit, si dhe të ndalojnë menjëherë veprimet që, sipas tyre, nuk kanë mbështetje në kuadrin ligjor ekzistues.
