Deputetja e Partisë Demokratike dhe Kryetarja e Komisionit të Kulturës, Turizmit dhe Diasporës Ina Zhupa ka reaguar ashpër ndaj nd&eu...
AKTUALITET
Rritja e çmimit të naftës, shtrenjtohet bileta e autobusit nga Korça në Tiranë dhe anasjelltas!
PiranjatPërditësimi i fundit 6 Prill 2026, 13:08
Rritja e çmimit të naftës në vend ka sjellë pasoja të drejtpërdrejta edhe në transportin ndërqytetas në Korçë. Së fundmi, është shënuar një tjetër rritje e çmimit të biletave në linjën Korçë–Tiranë.
Nga 7 mijë lekë, bileta ka shkuar në 8 mijë lekë, ndërsa për një udhëtim vajtje-ardhje qytetarët duhet të paguajnë 16 mijë lekë.
Qytetarët shprehen se situata po bëhet gjithnjë e më e vështirë për t’u përballuar. Ata theksojnë se rritja e vazhdueshme e çmimeve, jo vetëm të biletave por edhe të produkteve të përditshme, po rëndon ndjeshëm buxhetin familjar.
Kjo nuk është hera e parë që qytetarët përballen me një rritje të tillë. Më herët, çmimet e biletave u shtuan edhe për shkak të problemeve në segmentin rrugor Librazhd–Prrenjas, që ndikuan në kohën dhe shpenzimet e transportit.
Pavarësisht kësaj situatave ata thonë se janë të detyruar të udhëtojnë për arsye pune dhe nevoja të tjera jetike, duke mos pasur alternativa të tjera.
Operatorët e transportit jashtë kamerave e justifikojnë këtë rritje me shtrenjtimin e vazhdueshëm të karburantit, duke theksuar se kostot e shërbimit janë rritur ndjeshëm.
