Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
Ryshfeti në burgje/ Shefi i regjimit në Lushnje merr 700 euro për disa ditë “pushim” në shtëpi për të burgosurit
PiranjatPërditësimi i fundit 16 Shtator 2025, 22:36
Denoncime të shumta janë bërë për pazaret që bëhen nëpër burgje, ku të dënuarit mund të blejnë ditë leje me shuma të majme. Gazetarët e “Stop” inskenuan një rast në burgun e Fushë-Kosovës në Lushnje, ku u kërkua takim me një polic të njohur si shef Mati. Ky i fundit, pas një komunikimi paraprak, pranoi të takonte “qytetarin” në një lokal jashtë institucionit.
Gjatë bisedës, kur iu kërkua leje për një të burgosur të dënuar për hashash, Mati u tregua shumë i gatshëm, mori shumën prej 700 eurosh dhe premtoi 5–7 ditë leje për personin në fjalë.
Gazetari dorëzoi paratë dhe e ndoqi rastin deri në fund, kur i burgosuri vërtet doli për disa ditë nga qelia, duke konfirmuar kështu se tregtia e lejeve është një praktikë e shndërruar në biznes brenda sistemit të burgjeve.
Qytetari: Si je?
Polici: Faleminderit!
Qytetari: Është Mati aty?
Polici: Jo, është brenda.
Qytetari: Kur del? E thërret dot? E lajmëron dot?
Polici: Është në burg. Brenda në burg edhe drejtori nuk e thërret dot, jo unë.
Qytetari: E marr vesh. Po kur del?
Polici: Po tani mbaro punë, del ai. Kur të dalë atje, të them unë.
Qytetari: Unë! Unë! Ke mundësi të pimë ndonjë kafe? Ndonjë kështu?
Mati: Po s’kam… Lëre atë punë… Se s’kam kohë të merrem…
Qytetari: Po të bisedonim veç.
Qytetari: Kam një njeriun tim aty brenda.
Mati: Hë, hë. Po mirë mo, se… Ça bën?
Qytetari: Jo, unë jam vetëm.
Mati: Ik lart, se do vij lart!
Qytetari: Ok! Ku është kjo kafja këtu?
Mati: Ja kafja e parë që ikën lart, aty e ke.
Qytetari: Ok! Po të pres aty.
Kur iu kërkua disa leje për një person që kishte rënë në burg për hashash, Mati shumë i gatshëm, mori 700 euro dhe premtoi 5-7 ditë leje për personin në fjalë.
Qytetari: Po ulem këtu edhe…
Mati: Mirë! Ça bën ti? Si kalove?
Qytetari: Unë s’të kam takuar ndonjëherë. Nuk të njihja.
Qytetari: Me të pyetur kështu…
Qytetari: Ka rënë brenda për hashash.
Mati: Po Gj., i thashë unë dy javë para po s’më kuptoi, tani e mori vesh, rrinte me një T., në dhomë, e futa unë.
Qytetari: Për t’i siguruar 7 ditë leje.
Mati: 5 a 7, s’e di sa u japin tani, po u japin leje tani.
Qytetari: Në qoftë se na e rregullon…
Mati: Bëhet nami me radhë. Bëhet nami. Bëhet nami.
Mati: Për leje. Unë di që nis me leje, po di dhe këtë tjetrën, që varet nga… Ne bëjmë, nesër i çojmë zakonisht, i çojmë të mërkurave. I aplikojmë, i çojmë lart. Dje i kam thënë drejtorit për një M.G. Erdhi qëparë e ëma, më takoi dhe do i bëhet letra nesër. Edhe unë u futa brenda, prisja të vinte G., të më thoshte ndonjë gjë, s’e pashë, iku, s’më foli edhe iku.
Qytetari: Unë kam ca lekë me vete. Domethënë, sa të të jap?
Mati: O vëlla! Sa lekë ke me vete?
Qytetari: 700 euro! Më thuaj kur që të vij ta marr unë!
Mati: Ai mund të… Ose do të dalë të… Ai mund të dalë ose të enjten pasdite, ose të premten paradite.
“Stop” dorëzoi paratë dhe e ndoqi çështjen deri në momentin e shumëpritur kur i burgosuri doli për disa ditë nga qelia.
Qytetari:Në çfarë ore të të marr unë?
Mati: Po nga ora 12, që të vijë…, që të na vijë konfirmimi. Ne i nisim nesër në 12-të. Ne i nisim që në mëngjes nesër. Nesër, të mërkurën, i nisim lart, të enjten na sjellin konfirmimin, ok. Është formale, po i thotë ky (drejtori) nisi, se i kam ok, se i ndajnë bashkë ata, në shqip, ca i çon ky, (drejtori) i nisin ata, i thotë ky (drejtori) ok, ok, ata dhe ai del të enjten mbasdite, në qoftë se do vini ta merrni pasdite, ose del të hënën… Të premten paradite. Në orën 8!
Qytetari:Unë të enjten në orën 1, të të shkruaj një mesazh?
Qytetari:Kur të vij, vetëm kaq do të shkruaj unë.
Mati: Në qoftë se do të them edhe unë ta kujtoj, se me mesazh e kam këtu. Në rregull!
