Prezantuesja televizive egjiptiane Sarah Khalifa dhe 11 persona të tjerë janë dënuar me vdekje me varje, pasi u shpallën fajtorë p...
AKTUALITET
Turisti holandez humbi jetën në Valbonë, pamje gjatë operacionit në një zonë tejet të thepisur
PiranjatPërditësimi i fundit 16 Shtator 2025, 21:43
Një turist i huaj humbi jetën në Valbonë pasi ra në një greminë. Atje shkuan forca të shumta përfshirë edhe një helikopter.
Turisti holandez po bënte një udhëtim i vetëm kur ka përfunduar në humnerë. Menjëherë pas sinjalizimit për incidentin, në vendngjarje janë angazhuar strukturat e Urgjencës Kombëtare, forcat ajrore të ushtrisë, si dhe ekipet e specializuara të shpëtimit malor nga Shqipëria dhe Kosova.
“Është një ditë e trishtë për të gjithë komunitetin tonë. Humbja e jetës së një turisti të huaj në Valbonë është një tragjedi që na prek thellë. Pavarësisht përpjekjeve të menjëhershme të ekipeve të shpëtimit nga Shqipëria dhe Kosova,nuk arritëm ta shpëtojmë jetën e tij. dhe në orët e vona të kësaj të marte po punohet në kushte tejet të vështira nga toka dhe ajri për nxjerrjen e trupit të pajetë nga humnera Apelojmë me forcë për më shumë kujdes nga të gjithë vizitorët që eksplorojnë zonat malore. Terrenet tona alpine janë mahnitëse, por edhe kërkojnë përgatitje, informacion dhe masa të larta sigurie”, shkruan Artur Guni, Presidenti i Federatës Shqiptare të Alpinizmit dhe Turizmit Malor.
