Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
Ekzekutimi i shkodranit në Kanada! Më herët humbi gruan, autorët u larguan me një fuoristradë
PiranjatPërditësimi i fundit 16 Shtator 2025, 21:19
Detaje të tjera kanë dalë nga ekzekutimi i shkodranit Paulin Harusha në Kanada. Policia thotë se ngjarja e rëndë ndodhi në mesnatën e 13 shtatorit. Kur policia mbërriti në vendin e ngjarjes, ajo e gjeti 43-vjeçarin me plagë të rënda nga armë zjarri brenda makinës së tij.
Hetuesit thonë se autorët u larguan përpara se të mbërrinte policia. Ata u larguan me një fuoristradë me ngjyrë të hapur. Autoritetet nuk kanë publikuar asnjë përshkrim për autorët, por kanë kërkuar ndihmën e publikut. Banorëve, bizneseve dhe shoferëve të zonës iu është kërkuar që të rishikojnë kamerat e tyre për të parë nëse ka të dhëna që mund të ndihmojnë për të identifikuar mjetin ose të dyshuarit.
Ndërkohë, në mediat sociale, banorët e zonës thonë se Harusha kishte humbur në fillim të këtij viti edhe bashkëshorten e tij, Brankën.
Si ndodhi ngjarja?
Harusha ndërroi jetë në vendngjarje, pavarësisht përpjekjeve të ekipeve mjekësore për t’i shpëtuar jetën. Harusha u gjet i qëlluar me armë brenda një automjeti, ndërsa ngjarja ndodhi pranë kryqëzimit të Victoria Park Avenue dhe Sheppard Avenue East, rreth mesnatës së të shtunës.
Sipas dëshmitarëve, autorët e dyshuar janë larguar nga vendngjarja me një automjet, përpara se të mbërrinte policia. Në një konferencë për shtyp të dielën, Inspektori Jonathan Rose nga Shërbimi i Policisë së Torontos deklaroi se motivi i krimit mbetet ende i panjohur.
Hetimet vijojnë, ndërsa autoritetet u bëjnë thirrje qytetarëve që kanë informacion të kontaktojnë policinë.
