Banorët e fshatit Nikaj-Mërtur, njësia administrative Lekbibaj, janë ngritur në protestë kundër ndërhyjeve që...
AKTUALITET
Sherri mes biznesmenëve në Tiranë, policia procedon penalisht Nadir Çaushollin, kanosi bashkëpronarin e “Sky Tower”
PiranjatPërditësimi i fundit 6 Korrik 2026, 18:01
Specialistët për Hetimin e Krimeve të Komisariatit të Policisë Nr. 2 kanë proceduar penalisht biznesmenin Nadir Çausholli, 48 vjeç, për veprat penale “Kanosja” dhe “Vetëgjyqësia”.
Policia thotë se ky shtetas, ditën e sotme, në rrugën “Ibrahim Rugova”, gjatë një konflikti të ndodhur për montimin e një pajisjeje karikimi për automjete elektrike në trotuar, dyshohet se ka kanosur me fjalë bashkëpronarin e “Sky Tower”, Mirton Lika, 53 vjeç, si dhe ka goditur me shkelm një karrige në drejtim të tij.
Gjithashtu, policia thotë se nga ana tjetër, Çausholli ka kallëzuar se është kanosur me fjalë nga Mirton Lika.
Çfarë ndodhi?
Biznesmeni Mirton Lika ka depozituar kallëzim penal ndaj biznesmenit Nadir Çausholli, pas një konflikti të ndodhur më 6 korrik 2026 në rrugën “Ibrahim Rugova” pranë godinës “Sky Tower” në Tiranë. Sipas kallëzimit të depozituar në Komisariatin nr. 2, Lika ka deklaruar se teksa po shkonte drejt zyrës së tij, ka konstatuar disa persona duke montuar një pajisje karikimi për automjete elektrike pranë objektit. Ai pretendon se u ka kërkuar punonjësve informacion lidhur me dokumentacionin dhe lejen për vendosjen e pajisjes, pasi, sipas tij, çështja lidhej me një procedim të hapur pranë Prokurorisë së Tiranës.
Në kallëzim thuhet se një pajisje e ngjashme, e vendosur më herët në të njëjtën zonë, ishte sekuestruar nga autoritetet kompetente si e paligjshme. Sipas Likës, punonjësit nuk kanë paraqitur dokumentacionin përkatës dhe më pas në vendngjarje është njoftuar policia.
Në zonë ka mbërritur fillimisht një patrullë e Policisë së Shtetit, e cila ka kryer verifikimet paraprake dhe më pas ka njoftuar Policinë Bashkiake, pasi çështja lidhej me ndërprerjen e punimeve dhe dokumentacionin administrativ. Biznesmeni pretendon se gjatë kohës që priste mbërritjen e Policisë Bashkiake, Nadir Çausholli iu afrua në mënyrë kërcënuese dhe më pas situata degradoi në konflikt verbal. Sipas kallëzimit, Çausholli goditi me shqelm një karrige në drejtim të Likës, i cili pretendon se arriti t’i shmangej goditjes. Në denoncim thuhet gjithashtu se pati fyerje dhe sharje ndaj tij.
Lika ka kërkuar nga organet ligjzbatuese marrjen e masave dhe hetimin e plotë të ngjarjes, duke deklaruar se ndihet i kërcënuar personalisht, si edhe për familjen dhe aktivitetin e bizneseve “Sky Hotel” dhe “Sky Toëer”.
Mirton Lika është bashkëpronar i “Sky Tower” në Tiranë dhe Konsull i Sri Lankës në Shqipëri.
