Kryeministri në detyrë i Kosovës, Albin Kurti, ka reaguar ndaj ceremonisë me nderime shtetërore të organizuar në Serbi p&eu...
AKTUALITET
Shkon në dy numri i të plagosurve, pas vajzës babai qëlloi me thikë edhe kalimtarin
PiranjatPërditësimi i fundit 26 Janar 2026, 10:23
Të tjera detaje janë bërë publike në lidhje me ngjarjen e rëndë në Durrës, ku Mikel Ndoj plagosi me thikë vajzën e tij, Xhesika Ndoj, 23 vjeçe.
Sipas njoftimit të policisë përveç vajzës së tij, babai i së resë ka goditur edhe një kalimtar tjetër, i cili u përpoq ta ndalonte duke e lënë edhe atë të plagosur.
Të plagosurit raportohet se po marrin mjekim ne spital dhe janë jashtë rrezikut për jetën.
Mësohet se babai jetonte në Itali dhe së fundmi kishte tentuar të ribashkohej me familjen. Dyshohet se vajza nuk ka pranuar të bashkohej me të atin dhe as ta lejonte atë të hynte në banesë.
Burime pranë hetimit bëjnë me dije se konflikti mes palëve ka ndodhur në rrugë, ku situata ka degraduar deri në përdorimin e dhunës, duke përfunduar me plagosjen e vajzës.
Durrës / Informacion paraprak
Më datë 26.01.2026, rreth orës 10:03, shtetasi M. N., 56 vjeç, në rrethana ende të paqarta, ka plagosur në rrugë me mjet prerës (thikë) vajzën e tij, shtetasen Xh. N., 24 vjeçe, banuese në lagjen nr. 12, Durrës.
I plagosur ka mbetur edhe shtetasi O. M., kalimtar i rastit, i cili ka ndërhyrë në momentin që babai ka plagosur vajzën me mjet prerës (thikë).
Të dëmtuarit ndodhen në Spitalin Rajonal Durrës, nën kujdesin e mjekëve, jashtë rrezikut për jetën.
Punohet për sqarimin e rrethanave të ngjarjes, dhe kapjen e autorit.
Ndërkohë, shërbimet e Policisë po vijojnë punën për kapjen e 56-vjeçarit.
