Një kallëzim i ri penal i shtohet çështjes së abuzimit me fondet e filialit të Postës Shqiptare në Durrës.
Sipas...
AKTUALITET
Shpërndahet drogë, dy të rinj shqiptarë të dënuar me burg dhe 'deportim të menjëhershëm' nga Zvicra
E.DPërditësimi i fundit 21 Shtator 2024, 09:31
ZVICËR- Dy shqiptarë janë dënuar me burg dhe me dëbim të menjëhershëm nga Zvicra. Mësohet se të rinët shqiptarë kishin udhëtuar për në Zvicër në nëntor të vitit 2023.
“Doja të punoja këtu, por shpejt kuptova se kjo nuk ishte e mundur pa dokumente të vlefshme” tha njëri nga shqiptarët.
Ndërkohë tjetri ka mohuar sei përkiste një rrjeti shqiptar të drogës. Siç raportohet dy 23-vjeçarët ishin takuar bashkë në komunën e Zuzwil-it, ku ata ndanin një dhomë në emër të një organizate shqiptare të trafikut të drogës.
Mediat e huaja bëjnë të ditr se njëri prej tyre u arrestua nga policia gjatë pazarit të dytë të paligjshëm të drogës, në Flawil. Ndërsa tjetri u kap pikërisht kur ishte gati të largohej nga shtëpia e tyre me një çantë shpine plot kokainë dhe heroinë.
Gjithashtu avokati i tyre tha se ata ishin detyruar të merreshin me punë të paligjshme pasi ata nuk kishin gjetur punë tjetër.
Mbrojtja argumentoi se dyshja ka vepruar me iniciativën e tyre dhe filluan të tregtojnë në mënyrë të ngathët drogë pasi kuptuan se nuk mund të gjenin punë të rregullt në këtë vend. Gjyqtari nuk e besoi këtë. Përkundrazi, krimi i lidhur me bandat kundër ligjit për narkotikët, i cili rrezikon shëndetin e shumë njerëzve, ishte sigurisht ekzistues, sepse “të dy ishin të pranishëm si autorë ndërsa në sfond një bandë vëzhgonte operacionin dhe paralajmëroi njërin prej tyre kur u kap tjetri”, argumentoi gjyqtari.
Më parë, i pandehuri, i cili u kap duke tentuar të shiste në Flawil, kishte marrë të gjithë fajin. Ai shpjegoi se jetonte me një koleg dhe i jepte herë pas here nga pak kokainë. Megjithatë, ai nuk ishte i përfshirë në porcione dhe sigurisht as në shitjen e drogës. Por problemi ishte fakti se gjurmët e ADN-së të gjetura vërtetonin të kundërtën.
“ADN-ja u gjet jo vetëm në qeset plastike të destinuara për asgjësim, por edhe brenda pjesës për mbyllje të qeseve”, tha gjyqtari.
Dhe kjo e fundit në veçanti sugjeron që të dy ishin të përfshirë në sigurimin e drogës. Aq më tepër që ADN-ja e personit që dyshohet se nuk ishte i përfshirë u gjet në enët (sitë, hinkë, etj) që përdoren për ndarje dhe mbushje. Në fund, dy shqiptarët, të cilët ende nuk kanë precedentë penalë në Zvicër, u dënuan me 32 muaj burgim, për krimin e bandës kundër ligjit për narkotikët dhe hyrjen si dhe banimin e paligjshëm në Zvicër.
Megjithatë, duke qenë se njëri nga dy të akuzuarit nuk ishte vërtetuar pa dyshim për fakte individuale që dolën nga qëndrimi i mëparshëm në Zvicër, u shpallën të pafajshëm për disa pika, të cilat rezultuan në uljen e dënimit me burg me kusht nga 32 në 20 muaj. Ai gjithashtu duhet të paguajë një gjobë prej 300 frangash ose të kryejë një dënim zëvendësues (në vend të pahesës së gjobës) me burg prej tre ditësh.
Të dy u dënuan po ashtu me dëbim prej pesë vitesh nga Zvicra, i cili do të shpallet në sistemin e informacionit të Shengenit. Në këtë pikë, prokuroria kishte kërkuar dëbime nga vendi për shtatë gjegjësisht tetë vjet. Të rinjtë duhet të paguajnë edhe shpenzimet procedurale prej 10.487 frangash respektivisht 11.226 frangash. Gjykata urdhëroi që të dy të mbahen në paraburgim deri sa të deportohen në vendin e tyre. Deportimi duhet të bëhet më së voni brenda një muaji.
