Në mbështetje të studentëve që protestojnë para Ministrisë së Arsimit, protestës i është bashkuar edhe ...
AKTUALITET
Shqipëria e fundit në rajon për cilësinë e ujërave/ Si ''PIRANJAT'' denoncuan situatën alarmante dhe ''gjobën'' ndaj bizneseve
PiranjatPërditësimi i fundit 17 Shkurt 2026, 12:25
Në raportin e fundit të Agjencisë Evropiane të Mjedisit (EEA) të qershorit 2025, e cila monitoron ujërat natyrore, bregdetare, liqenore dhe lumore, Shqipëria renditet në fund të listës. Vetëm 41.2 përqind e 119 ujërave të analizuara të deteve, të liqeneve apo të lumenjve në Shqipëri morën "notë kaluese”.
Emisioni ''Piranjat’’ më herët ka denoncuar rastet e ndotjes së lumenjve në Shqipëri, por institucionet e vetmja masë që morën ishte gjoba ndaj bizneseve sezonale në bregdet.
Një masë që përveçse ''mjekonte'' përkohësisht, nuk shëronte problemin.
Sipas investigimit që është trajtuar nga Piranjat, bizneset ofruan dhe pagesën për krijimin e një impianti qëndror për pastrimin e ujërave të ndotura, por shteti nuk e mori parasysh këtë propozim, duke vendosur ‘gjobë’ për të gjitha bizneset, madje dhe në ato ku impiantet ishin në kapacitete të mjaftueshëm. Piranjat ngritën shqetësimin kryesor se kush përfiton nga kjo? Bizneset që trajtojnë ujërat e ndotura apo klientët e qeverisë?
Ndërkohë Situata është tejet problematike. Ambientalistët po ashtu shprehin shqetësimin e “vija e kuqe, tashmë është bërë një rrugë e kuqe”. Sipas kuadrit ligjor ekzistues trajtimi i ujërave urbane është funksion publik, që realizohet nga shoqëritë e ujësjellës-kanalizimeve në varësi të bashkive.
Qeveria shqiptare ka investuar mbi 112 milionë euro për ndërtimin e impianteve të trajtimit të ujërave të ndotura, ndërsa 100 milionë të tjera janë shpenzuar për një impiant që nuk është funksional, si ai i Kasharit.
Por siç duket strategjia e qeverisë nuk ka qënë pastrimi nga ndotja, por favorizimi i klientëve pranë saj.
