Ditën e shtunë vendi ynë do të ndikohet nga kushte atmosferike të qëndrueshme.
Moti parashikohet me kthjellime (diell) si dhe alt...
AKTUALITET
Shtyhet seanca paraprake për Ilir Metën dhe Monika Kryemadhin në GJKKO, shkak mungesa e avokatit të njërit prej të pandehurve
PiranjatPërditësimi i fundit 12 Janar 2026, 15:56
Seanca paraprake në Gjykatën e Posaçme, për ish-presidentin Ilir Meta dhe ish-bashkëshorten e tij, Monika Kryemadhi është shtyrë. Kjo ka ardhur si pasojë e mungesës së njërit prej avokatëve të njërit prej të pandehurve, duke bërë kështu të pamundur zhvillimin normal të procedurës. Pak orë më parë, Kryemadhi u pa teksa hynte në ambientet e gjykatës, duke buzëqeshur, por pa dhënë asnjë deklaratë për gazetarët të cilët ndodheshin jashtë ambienteve të GJKKO-së.
Ilir Meta u arrestua më 21 tetor 2024. Ai dhe ish-deputetja Kryemadhi dyshohen se, duke bashkëpunuar mes tyre dhe me funskionarë të tjerë shtetërorë, në disa episode duke nisur nga 15 vite më parë kanë shfrytëzuar postet e tyre shtetërore dhe politike për të favorizuar kompani private, si dhe në veprimtari të tjera me lobime në SHBA dhe shitblerje banesash në këmbim të përfitimit të shumave të konsiderueshme parash, të cilat janë përpjekur t'i fshehin, duke mos i deklaruar në ILDKPI dhe KQZ.
Konkretisht, ish-deputetja Kryemadhi po hetohej nga SPAK për tre akuza, pastrim parash, korrupsion dhe mosdeklarim të ardhurash. Gjykata la në fuqi më 23 tetor masën “detyrim për t’u paraqitur në policinë gjyqësore” ndaj Kryemadhit, për të njëjtat vepra penale, si dhe ndaj të hetuarës Ema Çoku, për pastrim parash.
Ndërkohë ndaj Piro Xhixhos, i hetuar për korrupsion pasiv, iu zëvëndësua masa e sigurisë nga “arrest në shtëpi” në “detyrim për t’u paraqitur në policinë gjyqësore”. Të tre të hetuarit nën masën e sigurimit “detyrim paraqitje” urdhërohen të paraqiten një herë në muaj në zyrat e Policisë Gjyqësore të SPAK.
