Revolta kundër ndërtimeve në Zvërnec nuk është kufizuar vetëm brenda Shqipërisë. Dje dhe sot, shqiptarë që...
AKTUALITET
"I ka çuar për akt ekspertimi ai prokurori/ Zbardhen bisedat, ja zyrtarët që i dorëzuan bandave dokumentet e pronave
PiranjatPërditësimi i fundit 22 Tetor 2025, 22:17
Në 23 Shkurt të vitit 2009, është bërë regjistrimi i një prone me sipërfaqe prej 20 mijë metrash në emrin e shtetasit Mahmuat Agasi. Prona e përvetësuar me falsifikim i është shitur shtetasit Altin Haruni për vetëm 1,4 milionë lekë. Ky person, rezultonte punonjës i Kadastrës Durrës në atë kohë.
“Pronar de fakto të këtyre pasurive dyshohet se nuk janë personat që janë pronarë de jure. Emri i shtetasit Mahmut Agasi gjendet në listën që Agron Bejdo i ka dërguar në datën 21 Shkurt 2021 Aleksandër Lahos dhe në listën që Vullnet Muça i ka dërguar Aleksandër Lahos në 23 Shkurt 2023”, citohet në dokumentet hetimore.
Në analizimin e praktikës së përvetësuar nën emrin e shtetasit Hajdar Kila, SPAK ka zbuluar disa komunikime interesante mes Aleksandër Lahos dhe Vullnet Muçës, vëllait të tij. Ky i fundit, duket i shqetësuar pasi falsifikimet nuk janë bërë cilësore dhe janë të kuptueshme.
Vullneti: Të dyja si surrati i vet i kanë bërë.
Rrumi: Po kartelat i bëmë neve para se ti fusnim, apo jam gabim? Po çfarë s’të pëlqen te këto, shkrimi apo ndonjë gjë tjetër…?
Kjo bisedë vërteton se si futeshin në arkivën e Kadastrës së Durrësit dokumentet e falsifikuara, që ndërroheshin me ato origjinale.
“Cdo dokument aty është futur dorazi apo manualisht dhe normalisht që ka lënë vend për abuzime, se ti e fusje një tapi’ sot e tërhiqje nesër nga arshiva, një tapi apo gentplan”, tha eksperti Gjergji Begaj.
Duke përllogaritur të gjitha praktikat që SPAK ka arritur ti vërtetojë si të falsifikuara në këtë hetim, sipërfaqja totale shkon në plot 200 mijë metër katrorë tokë e shpërndarë në 11 emra fiktivë. Pra, një hapësirë marramendëse që vlen miliona euro. Duhet të theksojmë se janë ende disa praktika që përbëjnë qindra hektarë tokë me vlerë deri në qindra milionë euro. Në këtë lojë të madhe, nuk janë korruptuar vetëm zyrtarët, por edhe njerëzit e ligjit…
Vullneti: I ka cuar për akt ekspertimi ai prokurori…
Rrumi: Fola, i ka ky të gjitha, u ndava shumë mirë…Unë do ti bëj gjërat që mos të bëjnë riekspertim, dhe po ta bëjnë të vijë te linja jonë…Është ok.”
Atëherë kam futur dhe një avokat tjetër të takojë dikë ti thotë të tërhiqet.
Vullneti: Po te firmat ajo ‘A’ thoshte po me ca kuptova e ka bërë me Fredin pak lojën për ndonjë kafe… Prokuroria po heton për dhjetëra parcela të tjera ku bien në sy disa komunikime që flasin për tokat në Porto Romano, në afërsi të zonës së Portit të Ri. Rrumi me vëllanë zbulojnë në komunikime se janë pronarë de fakto të dhjetëra dynymëve, edhe pse prokuroria nuk i ka faktuar ende.
“Në datën 7 Gusht 2020 Aleksandër Laho bisedon me kontaktin Vullnet Muça, lidhur me një sipërfaqe toke prej 88 dynymësh e ndodhur në parcelën nr. 93 në Porto Romano. Vullneti i dërgon fotografi të vendodhjes së tokës dhe e informon Aleksandrin se te ky vend do të ndërtohet Port dhe se toka ndodhet te i njëjti vend ku Aleksandri ka bërë dhe prona të tjera me Arditin”, citohet në dosje. Rrumi porosit të vëllain të flasë me një person të quajtur Fetau, që mos të ndërhyjë te kjo parcelë pasi ‘po e bëjmë ne’. Pra, e paralajmëron se do ta përvetësojë ai. Në komunikime zbulohet se ata nuk përdorin vetëm forcën por edhe paranë. Bisedat zbulojnë në një rast se kanë paguar deri në 100 Mijë euro për të sistemuar dokumentet.
Aty, kuptohet se si zyrtarët ‘motivohen’ në paligjshmëri duke marrë shuma të ndryshme parash në këmbim të bashkëpunimit me krimin./tch
