Pavarësisht reshjeve të shiut, protestuesit vijuan revoltën e tyre përpara Kryeministrisë.
Me çadra, në rrebeshet e shiut,...
AKTUALITET
Skandali me rrugët dhe AKSHI-n, Konferenca e Kryetarëve shqyrton dy kërkesat e opozitës për Komisionet Hetimore
PiranjatPërditësimi i fundit 7 Prill 2026, 12:10
Konferenca e Kryetarëve është mbledhur sot, ku në rendin e ditës është parashikuar shqyrtimi i dy kërkesave të opozitës për të ngritur Komisione Hetimore për rrugët si edhe për Agjencisë Kombëtare të Shoqërisë së Informacionit (AKSHI).
Më konkretisht, opozita kërkon hetim për kontratat koncesionare dhe ndërtimin e rrugëve pas shembjeve masive kohët e fundit dhe vënies nën akuzë të ish zv kryeministres dhe ish ministres së Infrastrukturës dhe Energjisë, Belinda Balluku për shkelje të barazisë në tendera.
Po ashtu, opozita ka kërkuar që të hetohet edhe veprimtaria e AKSHI-t dhe siguria e të dhënave të qytetarëve për shkak të vënies nën akuzë nga SPAK të të pandehurve lidhur me këtë dosje, të cilat mes të tjerash akuzohen se kanë vepruar si një grup i strukturuar kriminal.
Kërkesa për të ngritur Komisionin Hetimor për AKSHI-n u depozitua pak ditë më parë në Kuvend. Partia Demokratike kërkon vlerësimin e sigurisë kibernetike dhe mbrojtjes së të dhënave të qytetarëve, si dhe për analizimin e rreziqeve për sigurinë kombëtare dhe detyrimet e Shqipërisë si vend anëtar i NATO-s.
