Dashi
E diela fillon pak e përgjumur, por më pas forca dhe energjia kthehen pasdite. Mbrëmja do të jetë shumë e vlefshme për...
AKTUALITET
Sot protesta e radhës në bulevard, tubimit i bashkohen edhe qytetarë të ardhur nga vendet e Europës
PiranjatPërditësimi i fundit 20 Qershor 2026, 18:22
Pavarësisht deklaratave të Kryeministrit Edi Rama se projekti në Zvërnec do të zhvillohet dhe se ai nuk do të japë dorëheqjen, protestuesit nuk zmbrapsen.
Pasditja e kësaj të shtune do ta gjejë Bulevardin “Dëshmorët e Kombit” në protestën e 21-të, me qytetarë dhe aktivistë që do të mblidhen sërish përpara ambjenteve të Kryeministrisë.
Por ndryshe nga herët e tjera sot tubimit do t’i bashkohet edhe diaspora me qytetarë që janë nisur nga vende të ndryshme të Europës.
Ne pikën kufitare të Muriqanit ka pasur fliuks te madh gjate paradites se kesaj te shtune. Dhjetëra emigrantë nga Anglia, Gjermania dhe vende të tjera europiane kane mberritur me makinat e tyre.
Ata zhvilluan një paradë me flamuj kombëtarë në hyrje të Shkodrës dhe me pas u nisën drejt kryeqytetit për t’iu bashkuar protestës pasdite para Kryeministrisë.
Tubimi i sotëm pritet të nisë prej orës 19:00 te sheshi ‘Skënderbej’ dhe më pas do të marshohet drejt Kryeministrisë.
Kërkesat e protestuesve janë të njëjta, anulimi i projektit në Zvërnec, transparencë nga qeveria, shfuqizimi i ligjit për zonat e mbrojtura, anulimi i Paketës së Maleve dhe largimi i Kryeministrit Edi Rama.
