Kreu i grupit të PS-së, Taulant Balla, gjatë një prononcimi për gazetarët pas mbledhjes së Kuvendit ka folur për protest...
AKTUALITET
Tabaku: Koncesionet, gjysma e PBB-së! Buxheti i pakicës që mban peng ekonominë shqiptare
PiranjatPërditësimi i fundit 12 Nëntor 2025, 12:54
Deputetja e Partisë Demokratike, Jorida Tabaku ngriti alarmin për barrën e rëndë që koncesionet po i shkaktojnë ekonomisë. Gjatë diskutimeve për projektbuxhetin 2026, deputetja tha se për afro një dekadë, tabela e koncesioneve në buxhet ka mbetur e pandryshuar një tregues i qartë, sipas saj, se qeveria ka ngrirë çdo reformë të ndershme ekonomike, ndërsa ka mbajtur të paprekur interesat klienteliste.
“Koncesionet nuk ndryshojnë prej 9 apo 10 vitesh. Ndryshojnë taksat, ndryshojnë shpenzimet për shëndetësinë e bujqësinë — por jo koncesionet,” tha Tabaku, duke shtuar se sot totali i tyre përbën afro gjysmën e Prodhimit të Brendshëm Bruto, një kosto e papërballueshme për Shqipërinë.
Gjithashtu Tabaku deklaroi se “kjo politikë e pandryshuar tregon qartë se qeveria ka ndërtuar një buxhet për pakicën, jo për qytetarët. Ajo solli shembuj konkretë, nga inceneratorët – “emblema e dështimit të koncesioneve” deri te kontratat e rrugëve, që tashmë janë nën hetim nga drejtësia.
Këto kontrata nuk kanë sjellë zhvillim, nuk kanë përmirësuar jetën e qytetarëve dhe nuk kanë shtuar vlerë në ekonomi. Përkundrazi, kanë deformuar konkurrencën dhe kanë kthyer buxhetin në peng të interesave të një grushti njerëzish”.
Në fund të fjalës së saj deputetja demokrate tregoi se opozita do të kërkojë transparencë për çdo kontratë koncesionare dhe rishikimin e plotë të tyre në përputhje me standardet europiane.
