Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
INVESTIGIME
“Të marr peng, të fus në bagazh” Nga kërcënimi i gazetarëve tek lidhjet me pushtetin: Kush është Mired Reçi dhe lidhja me Ballukun
PiranjatPërditësimi i fundit 14 Shtator 2025, 12:55
Personi që u përmend si kërcënues i gazetarit të “Piranjave” nuk është aspak një emër i panjohur. Ai është Mired Reçi, djali i tezes së zv.kryeministres dhe ministres së Infrastrukturës dhe Energjisë, Belinda Balluku.
Nepotizëm dhe pushtet
Në sajë të lidhjeve të ngushta familjare me një nga figurat më të fuqishme të qeverisë, Mired Reçi ka arritur të sigurojë një post të rëndësishëm si Këshilltar i Drejtorit të Përgjithshëm të Tatimeve, Ceno Klosi. Ky pozicion i jep atij akses të drejtpërdrejtë në një nga institucionet kyçe të kontrollit financiar në vend.
Kompanitë familjare dhe konfliktet e interesit
Por aktiviteti i tij nuk mbyllet këtu. Dokumentet tregojnë se Reçi ka qenë ortak me 49% të aksioneve në dy kompani: “XL MARKET” shpk dhe “Hippo Tregu Elektrik” shpk. Ortaku tjetër është Meland Qirko, kunati i zv.kryeministres Balluku, i martuar me motrën e saj, Pamela Qirko.
Këto kompani kanë qenë subjekte të mundshme kontrolli nga administrata tatimore. Por fakti që njëri prej aksionerëve ishte njëkohësisht këshilltar në vetë Drejtorinë e Tatimeve hedh hije të forta dyshimi për konflikt interesi dhe shmangie të mundshme nga kontrolli ligjor.
Nga biznesi në kërcënime mafioze
Skandali merr përmasa edhe më të rënda pasi i njëjti person, që gëzon mbrojtje nga pushteti, përmendet si autor i kërcënimeve të tipit mafioz ndaj një gazetari: “të marr peng, të fus në bagazh”. Ky reagim, në vend të një përgjigjeje publike mbi pyetjet legjitime për trajtimin e punonjësve të thjeshtë, tregon kulturën e arrogancës dhe abuzimit me pushtetin.
Heshtja e institucioneve
Edhe pse bëhet fjalë për një ngjarje me pasoja të rënda për lirinë e medias dhe Edon Kuqi, gazetari kishte shkuar per ti drejtuar pyetje Refik Halilit dhe Sinan Idrizit, aksionerin kryesor të kompanisë Air Albania.Sinan Idrizi u përball me mikrofonin e gazetarit, i cili e pyeti mbi largimin nga puna të dy sanitareve të kompanisë, të cilave nuk u ishin paguar as sigurimet shoqërore. Kaq mjaftoi që situata të precipitonte në dhunë dhe kërcënime. Por edhe pse e dokumentuar si ngjarje, deri më tani Policia e Shtetit dhe Prokuroria nuk kanë ndërmarrë asnjë veprim konkret. Heshtja ngre dyshime të forta se pushteti po përdoret për të mbrojtur njerëzit e lidhur me qeverinë nga hetimet.
*Të gjitha të drejtat e këtij materiali janë pronë ekskluzive dhe e patjetërsueshme e Piranjat.al sipas ligjit Nr. 35/2016 “Për të drejtën e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi pa autorizimin e Piranjat.al në të kundërt çdo shkelës do të mbajë përgjegjësi sipas nenit 179 të Ligjit 35/2016*
