Është hequr gardhi metalik që ishte vendosur para Kuvendit të Shqipërisë si barrikadë për të penguar protestë...
AKTUALITET
Tentonin t’i shmangeshin testit të alkoolit duke korruptuar policinë, ‘kërcasin’ prangat për 6 shoferë në Durrës
PiranjatPërditësimi i fundit 8 Shkurt 2026, 11:26
Gjatë fundjavës, në kuadër të planit të masave “Fundjava”, policia vuri në pranga 5 drejtues automjetesh që drejtonin në gjendje të dehur dhe pa leje drejtimi. Dy prej tyre, shtetasit N. N. dhe H. M., tentuan të korruptonin punonjësit e Policisë duke ofruar shuma parash për të shmangur testin e alkoolit dhe arrestimin.
Nga kryerja e testit, rezultoi se N. N. drejtonte automjetin me nivel alkooli 1.62 mg/l, ndërsa H. M. 1.57 mg/l.
Gjatë monitorimeve intensive, u arrestuan gjithashtu shtetasja D. M. (1.22 mg/l) dhe shtetasi D. Ç. (2.21 mg/l) për drejtim në gjendje të dehur. Po ashtu, në rrugën “Hysen Kertusha” u arrestua shtetasi R. D., i cili drejtonte automjetin pa leje drejtimi.
Materialet hetimore iu referuan Prokurorisë së Durrësit për veprat penale “Drejtimi i automjetit në mënyrë të parregullt” dhe “Korrupsioni aktiv i personave që ushtrojnë funksione publike”.
Policia Rrugore e Durrësit apelon tek të gjithë drejtuesit e automjeteve të respektojnë rregullat e qarkullimit, të mos drejtojnë në gjendje të dehur, të respektojnë sinjalistikën dhe të mos përdorin celularin gjatë drejtimit.
