Ka nisur protesta e pestë në mbrojtje të Zvërnecit, ku qytetarët kundërshtojnë projektin për ndërtimin e një r...
AKTUALITET
TRAGJEDIA PËRSËRITET/ Një vit pas Martin Canit, një tjetër i mitur humb jetën pas sherreve banale në rrjetet sociale
PiranjatPërditësimi i fundit 4 Dhjetor 2025, 20:34
Nxënësi 15-vjeçar Erjon Boba nga Durrësi ndërroi jetë sot pasi u plagos me thikë rreth 9 ditë më parë. Ai qëndroi fillimisht në Spitalin e Durrësit dhe më pas u transferua në Spitalin Nënë Tereza në Tiranë. Rasti që nisi pas një sherri në rrjetet sociale përsërit tragjedinë e ndodhur një vit më parë në familjen e Martin Canit.
Sherri mes Erjon Bobës dhe 14-vjeçarit në Durrës
Takimi mes të miturve në rrugën “Laguna e Karavastasë”, në zonën e ish-Kënetës, u transformua në një përleshje fizike ku u përdorën sende të forta. Ata u dakorduan të takoheshin për tu sqaruar ku të pranishëm kanë qenë dhe shokë të tjerë të dy palëve. Në foto po shihnin thikën me të cilin 14-vjecari goditi në zemër shokun e shkollës, i cili po I kërkonte llogari për sharjet e ofendimet.
Gjatë sherrit, 14-vjeçari me inicialet M.K. e goditi Erjon Bobën katër herë me thikë, duke i shkaktuar plagë të rënda edhe në zemër. Boba u dërgua urgjent në spitalin "Nënë Tereza" dhe iu nënshtrua një ndërhyrjeje kirurgjikale, por nuk arriti t’i mbijetojë plagëve, ku humbi jetën pas 9 ditësh në luftë me jetën.
Si ndodhi vrasja e Martin Canit
Martin Cani humbi jetën mesditën e 18 tetorit pasi u qëllua me thikë në bark nga bashkëmoshatari i tij, Mario Prelleshaj. Ngjrja e rëndë ka ndodhur pas një konflikti mes dy të miturve që ka degraduar në përdorimin e thikës. Mario Prelleshaj dyshohet se ka qenë në klasë paralele me viktimën, në shkollën 9-vjeçare Fan Noli. Konflikti mes të miturve raportohet se ka nisur në oborrin e shkollës, ndërsa ka agravuar jashtë ambienteve të saj. Autori ka nxjerrë thikën dhe ka qëlluar mbi 14-vjeçarin, Martin Cani.
Pasi është goditur me thikë, Cani është afruar tek shkolla, ka ecur disa metra dhe pasi ka nisur të humbë gjak, është rrëzuar në trotuarin para shkollës. Si pasojë e plagëve të marra, Cani ka ndërruar jetë në spital. I plagosur nga ky sherr ka mbetur edhe shoku i ngushtë i viktimës, i cili nuk mësonte në të njëjtën shkollë me to, po stërviteshin në të njëtin klub futbolli. I plagosur mbeti edhe vetë autori, i cili po trajtohet në një spital privat.
Pak çaste pas krimit të rëndë autori kishte postuar foto me thikën më të cilin autori kreu vrasjen dhe dorën e tij e gjakosur që u plagos gjatë konfliktit. Po ashtu edhe në aplikacionin "Snapchat", kishte publikuar një tjetër foto ku shihet i pashqetësuar për krimin që ka kryer. Në foto si për të demonstruar forcën mbante grushtin lart.
Po ashtu nga fotoja vihet re se autori ndodhet në një makinë, të cilët dyshohen se e kanë marrë atë nga vendngjarja, menjëherë pas krimit që kishte kryer. Ata që kanë marrë autorin e mitur nga vendi i ngjarjes, dyshohet se janë lajmëruar nga vetë ai dhe kanë ardhur me automjetet e tyre nga Sauku. Sipas informacioneve, ky grup nga Sauku rezultojnë të përfshirë edhe në konflikte të tjera.
Edhe në këtë rast, dhuna pasoi një debat fillimisht mes dy të miturve dhe eskaloi jashtë ambienteve të shkollës. Pavarësisht ndërhyrjes mjekësore, Cani nuk arriti të mbijetojë, ashtu sikurse edhe Erjon Boba së fundmi.
