Pas denoncimit të gazetarëve italianë të emisionit Le Iene, SPAK goditi një prej karteleve më të fuqishme të call centarave në Tiranë, me fuqi të madhe financiare, korruptuese dhe operuese në fushën e mashtrimit me pasoja të rënda përmes investimeve të rreme.
Në fokus të operacionit që dyshohet se u dekonpirua nga policia ishin tre vëllezërit nga Tropoja, Agim, Alfred dhe Arjan Prekaj, të shpallur në kërkim.
Tre vëllezërit u informuan nga mburoja policore për të cilën paguanin çdo muaj, ndërsa SPAK arrestoi gjashtë ushtarë të tyre; Remir Gjoligaj, Endri Gjata, David Qerimi, Elis Merkaj, Rentjan Peposhi, Odeas Kuqi.
Si derivat i tre vëllezëve të call centerave po hetohet nga SPAK 29-vjeçari David Prendi, pronar i kompanisë Infinite, me zyra tek kulla “Alban Tower”, aty ku u përqëndrua operacioni i SPAK-ut.
Nga punëtor ndërtimi në bos call centerash
Deri në vitin 2018, kur nisi të ekspozohej dhe të lëkundej perandoria e mbretit të mashtrimit Amant Josifi, Agim Prekajishte thjeshtë një punëtor ndërtimi në Itali.
Jeta e tij ndryshoi kur njohu Nazen, një operatore e zonja e call centerave në Tiranë dhe më pas një nga menaxheret kryesore e skemave të mashtrimit me vlerë dhjetëra milionë euro.
Naze dhe Agim Prekaj nisën të ndërtonin gradualisht rrjetit e tyre të mashtrimit, i cili do t’u sillte fitime marramendëse. Zonja Naze Prekaj njihet në botën e errët të call centerave si truri që qëndron pas ngritjes dhe ‘suksesit’ të rrjetit të mashtrimit të qytetarëve evropainë përmes platformave të rreme. Aktiviteti kriminal është ushtruar gjithnjë nën mbrojtje të fortë policore.
Paratë e aktivitetit kriminal i kanë investuar në pasuri të paluajtshme në emrin e njerëzve të afërt dhe të besuar. Bëhet fjalë për dhjetëra milionë euro euro. Vetëm përmes një ndërtuesi me emër në Tiranë dyshohet se kanë pastruar mbi 100 milionë euro. Ndërkaq, edhe pas goditjes nga SPAK, Agim Prekaj, gjitnjë nën mbrojtje e një segmenti të korruptuar në Policinë e Shtetit, po hap pika të reja call centerash nëpër Tiranë në emrin e ushtarëve të tij të besuar.
SPAK ka njofuar rrethanat se si ra në gjurmët e këtij rrjeti kriminal në Tiranë. Hetimi ka nisur më 9 janar 2026, pasi gazetarë italianë të emisionit Le Iene, që transmetohet në Mediaset, dorëzuan prova të mbledhura gjatë investigimit të tyre. Hetimi u nxit edhe nga denoncimet e disa qytetarëve italianë që thanë se ishin mashtruar.
Gazetarët arritën të futeshin në Call Center duke infiltruar një shtetas italian, i cili punoi aty dhe tregoi nga brenda se si funksiononte skema. Sipas SPAK, hetimet kanë zbuluar një Call Center që punonte në godinën Atti Tower, në rrugën “Ibrahim Rugova”, pranë Katedrales Ortodokse. Nga aty, një grup i organizuar dyshohet se ka mashtruar kryesisht shtetas italianë, duke i bindur të investonin në platforma të rreme kriptomonedhash.
Paralajmërimi dhe zhvendosja e pajisjeve
Mbrëmjen e 15 janarit 2026, pasi dyshohet se u njoftuan për një kontroll të mundshëm, drejtuesit e Call Center-it boshatisën zyrat në “Atti Tower” dhe larguan pajisjet gjatë natës.
‘Ekzistojnë indicie të qarta se mbrëmjen e datës 15 Janar 2026, pas përfundimit të punës, pjesëtarë të këtij personeli vëzhgues, kanë njoftuar pronarët e Qendrës për një ndërhyrje të mundshme. Pas kësaj, në orët e para të mëngjesit të datës 16 Janar 2026, janë larguar pajisjet dhe është boshatisur edhe ambienti i Qendrës së Thirrjeve‘, thuhet në njoftim.
Në orët e para të 16 janarit, hetuesit e Byrosë Kombëtare të Hetimit kapën 6 persona në flagrancë, teksa po transportonin pajisje kompjuterike drejt një ambienti tjetër. Një pjesë e pajisjeve po tentoheshin të asgjësoheshin.
Më pas, SPAK ka ndaluar edhe 2 persona të tjerë, të dyshuar për përfshirje në këtë aktivitet, ndërsa janë shpallur në kërkim 3 persona, mes tyre vëllezërit Alfred, Agim dhe Arjan Prekaj. Njëri prej tyre, Alfred Prekaj, rezulton pronar i kompanisë “Balkanspro”, e cila merret me Call Center dhe telemarketing.
Njoftimi i plotë i SPAK-ut
Prokuroria e Posaçme kundër Korrupsionit dhe Krimit të Organizuar rregjistroi procedimin penal nr.03/2026, për kryerjen e veprës penale të “Mashtrimit Kompjuterik”, në bashkëpunim, në formën e grupit të strukturuar kriminal,“Pjesëmarrjes në grup të strukturuar kriminal”, parashikuar nga nenet 143/b, 28/4, 333/a dhe 334 të Kodit Penal.
Procedimi u regjistrua në datën 9.1.2026 në Byronë Kombëtare të Hetimit pas paraqitjes së gazetarëve italianë të emisionit investigativ “Le Iene”, që trasnmetohet në Mediaset. Ata kanë dorëzuar materiale të punës së tyre.
Gjatë këtij hulumtumi është identifikuar një Qendër Thirrjesh (Call Center) që ndodhet në Tiranë, në ndërtesën “Atti Tower”, në rrugën “Ibrahim Rugova”, përballë Katedrales Ortodokse, nga ku, autorët e mirëorganizuar dyshohet se kanë mashtruar shtetas italianë dhe europianë për investime në kriptomonedhave të ndryshme.
Investigimi mori shkas nga ankesat e disa shtetasve italianë të mashtruar nga Qendra e Thirrjeve. Gazetarët italianë mundën të infiltrojnë një shtetas italianë, i cili nisi të punojë aty dhe realizoi regjistrimin e të dhënave në ambientet e Qendrës së Thirrjeve. Nga të dhënat rezulton se në këtë veprimtari dyshohet të jenë përfshirë shtetas italianë, rezidentë në Itali dhe të tjerë që jetojnë në Shqipëri, ndërsa transaksionet kryheshin në kriptovaluta, në portofolet e monedhave virtuale tw menaxhuara nga drejtuesit e këtij aktiviteti të kundraligjshëm, duke përdorur platforma mashtruese.
Duke iu referuar materialeve video bëhet fjalë për një Qendër Thirrjesh, që ndodhej në katin e 9-të dhe të 13-të të “Atti Tower”. Nga pamja e përgjithshme, dinamika e komunikimit dhe veprimet e personit që kryen regjistrimin apo edhe personave të tjerë, shihet se është një qendër e mirëorganizuar e thirrjeve telefonike, me poste pune të ndara, role të përcaktuara dhe staf që operonte në gjuhën italiane, franceze, spanjolle dhe gjermane.
Pas regjistrimit të këtij procedimi penal, hetuesit e Byrosë Kombëtare të Hetimit kanë nisur menjëherë puna për identifikimin e organizatorëve dhe dokumentimin e aktiviteti kriminal të mashtrimit.
Nga veprimet e para hetimore të BKH-së, rezultoi se organizatorët e kësaj veprimtarie kriminale kishin ngritur një strukturë të sofistikuar sigurie, me disa perimetra mbrojtës, duke përdorur jo vetëm kamerat filmike statike, por edhe personel civil vëzhgimi, jashtë kësaj Qendre.
Ekzistojnë indicie të qarta se mbrëmjen e datës 15 Janar 2026, pas përfundimit të punës, pjesëtarë të këtij personeli vëzhgues, kanë njoftuar pronarët e Qendrës për një ndërhyrje të mundshme. Pas kësaj, në orët e para të mëngjesit të datës 16 Janar 2026, janë larguar pajisjet dhe është boshatisur edhe ambienti i Qendrës së Thirrjeve.
Pas ekzekutimit të vendimit të Gjykatës së Posaçme, nr.85, datë 15.1.2026, hetuesit e BKH-së konstatuan në datën 16 Janar 2026, boshatisjen e ambientit dhe largimin e pajisjeve dhe personelit. Falë veprimeve të shpejta dhe të pandërprera hetimore u bë i mundur identifikimi i personave dhe automjeteve të përdorura për largimin e pajisjeve kompjuterike dhe sistemeve nga Call Center-i. Pas gjurmimit të tyre, në një kohë të shkurtër, u realizua kapja në flagrancë e disa shtetasve, të cilët kishin transportuar gjatë natës materiale drejt një ambient tjetër të marrë me qira në “Downtown One”, në Bulevardin Bajram Curri.
Pas kapjes në flagrancë të këtyre shtetasve, hetuesit kanë bërë kontrollin me iniciativë të ambientit në katin e 5-të të godinës, ku është konstatuar një Qendër tjetër Thirrjesh, në ndërtim e sipër. Aty u gjetën pajisje kompjuterike, telefona, hard disqe, laptopë, karta të ndryshme SIM, dokumente, blloqe me shënime. Personat e kapur në flagrancës, po transportonin një kosh mbeturinash, i cili përmbante sende të dyshuara të marra nga Qendra e Thirrjeve në rrugën “Ibrahim Rugova”, të cilat ishin duke i asgjësuar.
Në kushtet e kapjes në flagrancë është kërkuar mbështetja e punonjëve të Policisë të Drejtorisë Vendore Tiranë.
Shtetasin e arrestuar në flagrancë janë 6 persona me inicialet: R.Gj., D.Q., E.Gj., E.M.,R.P.,O.K..
Gjithashtu, paralelisht me identifikimin e Qendrës së dytë të thirrjeve, në sajë të veprimeve verifikuese, janë nxjerrë dhe ekzekutuar urdhrat e ndalimit për shtetasit me inicialet; K.K. dhe H.XH., si të dyshuar për kryerjen e veprës penale të “Mashtrimit kompjuterik”, në bashkëpunimin, në formën e grupit të strukturuar kriminal, parashikuar nga nenet 143/b, 28/4, 333/a dhe 334 të Kodit Penal.
Në ecuri të veprimeve hetimore, në datë 17.1.2026, janë lëshuar dhe urdhrat e ndalimit për tre shtetas tw tjerw, të dyshuar për kryerjen e veprës penale të “Mashtrimit kompjuterik”, në bashkëpunimin, në formën e grupit të strukturuar kriminal, parashikuar nga netet 143/b, 28/4, 333/a dhe 334 të Kodit Penal, të cilët nuk janë gjetur deri në këto momente.
Gjatë kontrolleve të ushtruara në 28 ambiente; banesa, automjete, zyra, garazhde, etj, janë gjetur dhe sekuestruar në cilësinë e provës materiale, qindra pajisje kompjuterike të cilat janë në proces verifikimi, sisteme monitorimi të kamerave, sisteme të rrjetit kompjuterik, pajisje memorizuese, server, dokumente të Qendrës së Thirrjeve, subjektit “Infinite” shpk dhe subjekteve të tjerë në proces verifikimi.Gjithashtu janë sekuestruar edhe automjete të përdorur nga autorët e dyshuar, motomjete si dhe një automjet luksoz i markës Ferrari, që dyshohet se i përket organizatorëve të këtij aktiviteti.
Prokuroria e Posaçme vijon kryerjen e veprimeve hetimore për inventarizimin e të gjitha pajisjeve kompjuterike, sekuestrimin, analizimin e tyre si dhe identifikimin e të gjithë viktimave të veprës penale, në bashkëpunim me autoritetet e huaja.
Falenderojmë Policinë e Shtetit për mbështetjen e dhënë në fazën e ekzekutimit të vendimit të Gjykatës së Posaçme si edhe gjatë veprimeve të mëtejshme për identifikimin dhe arrestimin e personave të dyshuar.
Prokuroria e Posaçme falenderon në mënyrë të veçantë edhe stafin e emisionit investigativ italian “Le Iene” të “Mediaset”, falë punës të së cilëve, u bë e mundur inicimi dhe hetimi i këtij rasti të mashtrimit masiv në Qendrën e Thirrjeve në Shqipëri.
Gjithashtu, SPAK u tërheq vëmendjen qytetarëve dhe medias për fenomenin e mashtrimit online përmes Qendrave të Thirrjeve (Call Center) dhe kjo është një veprimtari që do vazhdojë të ndiqet me prioritet edhe në bashkëpunim me partnerët tanë ndërkombëtarë.
Nga ana tjetër, një apel u shkon edhe shtetasve që punojnë në këto qendra, për t’u ndërgjegjësuar dhe për t’u mos bërë pjesë e veprimtarive të paligjshme.
Artikuj te sugjeruar
AKTUALITET
3 Mars13:10
Makina përplaset me kamionin e fruta-perimeve, humb jetën 25-vjeçari shqiptar
Një ngjarje e rëndë ka ndodhur në Siçili të Italisë, ku një 25-vjeçar shqiptar humbi jetën tragjikisht n...
AKTUALITET
3 Mars13:06
72% e bashkive, në shtesë natyrore negative, jugu në “Vdekje Klinike”
Shqipëria po shtegton nga tranzicioni drejt një krizë ekzistenciale demografike. Të dhënat e shtesës natyrore për vitin 202...
AKTUALITET
3 Mars13:01
Aksidentoi për vdekje 83-vjeçaren në Devoll, arrestohet drejtuesi i mjetit
Policia e Korçës këtë të hënë ka arrestuar në flagrancë një 48-vjeçar, pasi dyshohet të jet&eu...
AKTUALITET
3 Mars12:56
11-vjeçari u shpall i zhdukur dhe u gjet ditën e sotme/ Flet nëna: Më mori një grua në telefon, më tha është në Portin e Durrësit
Ka folur nëna e 11-vjeçarit që u shpall i zhdukur një ditë më parë, i cili fatmirësisht është gjetur sot n...
AKTUALITET
3 Mars12:58
Skandal/ Mbetje të rrezikshme spitalore hidhen në zonën e Kuqit në Vlorë
Një qytetar ka ngritur një shqetësim serioz lidhur me hedhjen e paligjshme të mbetjeve spitalore në zonën e Kuqit, në Vlor&...
AKTUALITET
3 Mars12:42
Degradimi i aksit Librazhd-Prrenjas, kreu i ARRSH pranon dështimin: Kam marrë mësim nga kjo situatë!
Kreu i Autoritetit Rrugor Shqiptar, Ami Kozeli, ka pranuar katë të martë dështimin e institucionit që ai drejton, në lidhje me d...
AKTUALITET
3 Mars12:23
''Pallatet e ndërtuara pas tërmetit, me ashensorë jashtë funksionit''/ Qytetari denoncon skandalin në Thumanë
Një qytetar nga Thumana ka bërë një denoncim në redaksinë e Piranjave, për gjendjen alarmante të pallateve të...
Nga Xhuljan Ferzaj
AKTUALITET
3 Mars12:21
“Shtyheni o çuna”, banorët ankohen për rrugën e fshatit në Gramsh: Kemi ngecur në baltë
Banorët e fshatit Gjeraqin Shemiter, komuna Kushov, Bashkia Gramsh
i janë drejtuar redaksisë së Piranja News, për problemin me rrug&...
AKTUALITET
3 Mars12:19
U zhduk një ditë më parë, gjendet në Portin e Durrësit 11-vjeçari
11-vjeçari Dritan Dema, i zhdukur që nga dita e djeshme në zonën e Freskut në Tiranë, është gjetur këtë t&...
AKTUALITET
3 Mars12:10
“Pa ujë, pa ngrohje dhe me klasa si magazina”/ Qytetari denoncon gjendjen skandaloze të Kopshtit Nr. 10 në Vlorë
Një qytetar nga Vlora ka bërë një denoncim në redaksinë e Piranjave, lidhur me kushtet e papërshtatshme në të...
