Dashi
Përpiquni të shmangni polemikat dhe diskutimet. Edhe me fjalë nëse është e mundur thoni se jeni të disponueshëm p...
AKTUALITET
U arrestua se vodhi një tapet! Ndërron jetë në spital Jani Rustemi, qëndroi më shumë se një muaj në koma
PiranjatPërditësimi i fundit 20 Maj 2023, 18:00
TIRANË- Jani Rustemi, i riu i cili ishte arrestuar prej 13 prillit pasi akuzohej për vjedhje dhe përfundoi në koma, ka ndërruar jetë në Qendrën Spitalore Nënë Tereza, ku ndodhej i shtruar prej 17 prillit, pasi dyshohet se iu dha një dozë e lartë metadoni. Sipas njoftimit zyrtar, Rusemi ishte i shtruar në Reanimacionin Qendror në QSUT dhe në orën 16:20 ka ndërruar jetë. I riu ishte i martuar dhe la pas dy fëmijë.
28-vjeçari shfaqi probleme shëndetësore fillimisht më 14 prill, ndërsa ndodhej ende në qelitë e paraburgimit 302 tek Mine Peza. Duke qenë se ai ishte konsumues i lëndëve narkotike, i është dhënë metadon. Një ditë pasi dyshohet të ketë pirë metadon, më 15 prill Jani Rustemaj është dërguar në gjykatë, ku pavarësisht gjendjes shëndetësore që kishte kaluar, togat e zeza i vendosën masën e sigurimit personal të arrestit me burg.
Më 16 prill, 28-vjeçari është dërguar në paraburgim te 313-a, por autoritetet e burgut, nuk kanë pranuar që ta marrin në dorëzim për shkak të mbingarkesës në këtë institucion dhe në këto kushte ai është rikthyer dhe vendosur përsëri në Bllokun e Sigurisë Tiranë.
Më 17 prill i riu i arrestuar ka shfaqur përsëri shqetësime shëndetësore dhe pas ardhjes së emergjencës shëndetësore u transportua në spitalin "Nënë Tereza". Dy ditë më vonë, më datë 19, ai u shtrua zyrtarisht pasi siç deklaruan autoritetet ishte një person që konsumonte lëndë narkotike dhe po trajtohej me metadon në burg.
Pritet të hetohet nëse të riut i është dhënë mbidozë metadoni, që mund ta ketë çuar dhe në koma.
Për mënyrën e trajtimit të Rustemit ka reaguar edhe Komiteti Shqiptar i Helsinkit (KShH). Në reagimin zyrtar, KShH shkrunte se institucionet kanë kryer një sërë shkeljesh, se janë përdorur standarde të dyfishta duke mos e pranuar në burgun 313 por duke e mbajtur për 5 ditë në dhomat e policisë. Kjo gjë, sipas KShH-së i ka dëmtuar gjendjen shëndetësore të riut. KShH përmend dhe faktin që Rustemi është pjesë e komunitetit rom, gjë që ka bërë që autoritetet të mos e kishin prioritet situatën e tij.
Njoftimi për vdekjen e tij:
Jani Rustemi që ishte i shtruar në Reanimacionin Qëndror në QSUT, dhe në ora 16:20 ka ndërruar jetë, konfirmuar nga Mjeku. Rustemi është i datëlindjes 15.04.1995 lindur e banues në Tiranë, me gjendje civile i martuar, ka dy fëmijë, arrestuar më 12.04.2023 për “Vjedhje” dhe me gjendje gjyqësore i dënuar më parë. 28-vjeçari ishte i shtruar ne Reanimacionin Qendror të QSUT-së në gjendje të renduar shëndetësore në koma pasi vuan nga “Bradipne humbje koshience, acidozë e thellë respiratore”. Për ngjarjen u njoftua Prokuroria, Komisariti i Policisë dhe Specialistin e ShKBSB për veprime të metejshme hetimore.
