Franca thotë se Presidenti Emmanuel Macron është i sigurt pasi një numër njerëzish u plagosën në shpërthime q&eum...
AKTUALITET
U arrestuan pas arratisë së Hasan Ferracakut, Gjykata jep vendimin për katër efektivët e policisë
PiranjatPërditësimi i fundit 7 Korrik 2026, 18:55
Katër efektivët e Njësisë së Sigurisë Kombëtare (FNSH), të arrestuar nga Agjencia e Mbikëqyrjes Policore (AMP) pas arratisjes së Hasan Ferracakut nga masa e sigurisë “arrest në shtëpi”, janë lënë të lirë me vendim të Gjykatës së Shkallës së Parë në Shkodër.
Në seancën për caktimin e masës së sigurisë, gjykata vendosi ndaj tyre masën “detyrim paraqitje”, duke i lënë të hetohen në gjendje të lirë për akuzën e “shpërdorimit të detyrës”.
Nën hetim janë inspektorët Dorjan Hasandoçaj, Gentian Xhanari, Dioniz Hotaj dhe punonjësi Ridvan Zefi. Sipas AMP-së, ata dyshohet se nuk kanë ushtruar siç duhet detyrën për mbikëqyrjen e Verracakut, çka mundësoi largimin e tij nga banesa ku po qëndronte në zbatim të masës së sigurisë.
Ndërkohë, ndaj Hasan Verracakut është regjistruar procedim penal për veprën “Largimi i të burgosurit nga vendi i qëndrimit”, pasi dyshohet se ka shkelur kushtet e vendosura nga gjykata.
Verracaku është një nga personat nën hetim për ngjarjen e rëndë të ndodhur në Velipojë në qershor të vitit 2021, ku humbën jetën katër persona dhe dy të tjerë mbetën të plagosur. Pas përfundimit të afateve të paraburgimit, ndaj tij ishte caktuar masa “arrest në shtëpi”, ndërsa ruhej 24 orë nga efektivët e Policisë së Shtetit.
