Një vatër zjarri ka përfshirë rreth një hektar sipërfaqe në fshatin Derstil, në Qendrën Administrative Gjinar, n&...
AKTUALITET
U arrestuan se ndihmuan Sokrat Vatën, zbardhet dëshmia e turqve: Ja pse hyri në bagazhin e makinës
PiranjatPërditësimi i fundit 21 Gusht 2026, 22:09
Zbardhet dëshmia e Nuh Mahmutoglu pas ngjarjes në Ksamil ku mbeti i vrarë turisti portugez. Në dëshminë e tij, shtetasi turk thotë se nuk kishte dijeni për ngjarjen dhe se kishte shkuar për të marrë Sokratin, pasi ky i fundit e kishte telefonuar duke i thënë se kishte pësuar një aksident me motor.
Sipas dëshmisë, Sokrati i ka kërkuar të flinte dhe më pas është futur në bagazhin e automjetit. Ndërkohë, edhe vajza turke e përfshirë në ngjarje ka dhënë versionin e saj, duke thënë se nuk e dinte që një person ndodhej në bagazh.
Zbardhet dëshmia e Nuh Mahmutoglu:
Në dëshminë e tij, Nuh Mahmutoglu shprehet se nuk kishte dijeni për ngjarjen që kishte ndodhur.
“Deklaroj që nuk kam dijeni për ngjarjen e vërtetë. Sokrati më ka telefonuar dhe më ka thënë: ‘Kam bërë aksident me motor’. Kam shkuar për ta marrë. Sokrati më ka thënë ‘dua të fle gjumë’ dhe ka hyrë në bagazh.”
Mahmutoglu jep kështu versionin e tij mbi mënyrën se si ka përfunduar Sokrati në bagazhin e automjetit, duke u shprehur se kishte shkuar për ta marrë pas telefonatës për aksidentin.
Ndërkohë, edhe vajza turke ka dhënë dëshminë e saj. Ajo ka thënë se nuk kishte dijeni se një person ndodhej në bagazhin e makinës.
Dëshmitë janë pjesë e hetimeve për ngjarjen e rëndë në Ksamil, ndërsa autoritetet po rindërtojnë dinamikën dhe rolin e personave të përfshirë.
