Radhë e gjatë automjetesh është krijuar në pikën kufitare të Kakavijës, në krahun e palës greke.
Burime nga...
AKTUALITET
EMRI/ U dëbua drejt Shqipërisë, gjykata franceze rrëzon vendimin për shqiptarin
PiranjatPërditësimi i fundit 10 Mars 2026, 21:35
Gjykata Administrative në Francë ka vendosur të shfuqizojë vendimin për dëbimin nga Franca të shtetasit shqiptar Fatjon Salihi, i cili ishte deportuar drejt Shqipërisë më 23 shkurt 2026 nga autoritetet e prefekturës së Jurës. Sipas mediave lokale franceze, vendimi i gjykatës u mor më 5 mars dhe anulon të gjitha masat administrative të ndërmarra ndaj tij. Megjithatë, familjarët e Salihit ende nuk kanë informacion të qartë se kur dhe si ai do të mund të rikthehet në Francë.
Dëbimi i tij kishte ngjallur reagime në komunitetin ku jetonte, pasi shqiptari ishte larguar duke lënë në Francë bashkëshorten dhe dy fëmijët e vegjël, 6 dhe 4 vjeç. Ai kishte gjithashtu një kontratë të përhershme pune në sektorin e ndërtimit, ku punonte si drejtues kantieri.
Fatjon dhe bashkëshortja e tij, Berina Salihi, kishin mbërritur në Francë në vitin 2021. Ai ishte punësuar në kompaninë e ndërtimit “RP Routes”, ku me kalimin e kohës kishte marrë përgjegjësi më të mëdha deri në pozicionin e shefit të kantierit, një profesion për të cilin sektori i ndërtimit shpesh përballet me mungesë punonjësish.
Familja jetonte në Andelot-en-Montagne. Çifti ka dy fëmijë: djali i madh, 6 vjeç, i lindur në Shqipëri, ndërsa vajza 4-vjeçare ka lindur në Francë. Sipas Arnaud Dulong, përfaqësues i shoqatës Ajir (Accueil Jurassien Intercommunautaire de Réfugiés), që po asiston familjen, vendimi i gjykatës është pozitiv pasi rrëzon të gjitha masat e vendosura ndaj Salihit. Mes tyre janë detyrimi për të lënë territorin francez (OQTF), ndalimi i rikthimit në Francë, refuzimi i një afati për largim vullnetar si dhe masa e qëndrimit të detyruar.
Megjithatë, ai thekson se procesi nuk është përmbyllur ende dhe mbetet e paqartë se kur shqiptari do të mund të kthehet pranë familjes së tij. Ndërkohë, sipas tij, dy fëmijët e familjes nuk flasin shqip, çka tregon përpjekjet e tyre për t’u integruar në Francë. Salihi ka gjithashtu familjarë që jetojnë prej kohësh në vend, përfshirë një motër që ka marrë shtetësinë franceze.
Ndërkohë, nuk është e sigurt nëse shqiptari ka marrë pasaportën e tij, e cila sipas raportimeve mund të jetë dorëzuar nga autoritetet franceze tek autoritetet shqiptare.
