Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
"U gjenda viktimë e një ndalimi të paligjshëm"/ Avokati Ulian Bajrami: Çdo cenim ndaj nesh, është cenim ndaj vetë themeleve të shtetit
PiranjatPërditësimi i fundit 25 Tetor 2025, 12:56
Në kuadër të Ditës Europiane të Avokatëve, avokati Ulian Barjami ka reaguar në rrjetet sociale duke rikujtuar ngjarjen e tij të arrestimit pas një përplasjeje me prokurorin në sallën e gjyqit në Elbasan. Barjami thotë se avokatët janë mburojë e qytetarëve ndaj padrejtësive.
Ai shprehet se vetë ishte viktimë e një ndalimi të paligjshëm, duke e cilësuar atë jo vetëm si një përvojë personale, por si një kujtesë të fortë se respekti për avokatin është po ashtu respekt për drejtësinë.
Postimi i Ulian Barjamit
Sot, në Ditën Europiane të Avokatëve, ndjej më shumë se kurrë peshën dhe përgjegjësinë që mbart ky profesion fisnik. Ngjarja e fundit, ku u gjenda viktimë e një ndalimi të paligjshëm, nuk ishte vetëm një përvojë personale, ishte një kujtesë e fortë se respekti për avokatin është respekt për drejtësinë.
Kjo ditë na kujton se avokatët janë mburoja e qytetarëve përballë çdo padrejtësie. Çdo cenim ndaj tyre është cenim ndaj vetë themeleve të shtetit të së drejtës.
Le ta shfrytëzojmë këtë ditë për të reflektuar, për t’u bashkuar dhe për të mbrojtur dinjitetin e profesionit tonë. Sepse drejtësia nuk ekziston pa avokatin, dhe avokati nuk mund të ekzistojë pa respektin që i detyrohemi si shoqëri.
