Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
80 kg marihuanë e gjetur në gomonen e avaruar midis Korfuzit dhe Igumenicës, arrestohet 'Çimoni'
PiranjatPërditësimi i fundit 25 Tetor 2025, 12:30
Policia greke ka zbuluar një ngarkesë prej rreth 80 kg marihuanë në një gomone gjysmë të fundosur që lëshoi sinjalin 'SOS' në hapësirën detare midis Korfuzit dhe Igumenicës. Mjeti lundrues ishte sjellë nga rrymat pranë brigjeve të Sajadhës dhe u gjet pas një kërkimi të ndërmarrë nga policia kufitare e Korfuzit dhe Igumenicës.
Pasi 50-vjeçari Edmond Musa, nga Saranda, i njohur si "Çimoni", lëshoi sinjalin e urgjencës, ai u shoqërua për ekzaminim në spitalin e Filatit dhe më pas u dërgua në polici. Skafisti dyshohet se kishte pësuar avari për shkak të detit të trazuar, çka e detyroi të kërkonte ndihmë. Sasia e drogës e gjetur është 80 kg, por hetuesit mendojnë se mund të ketë pasur më shumë, pasi skafisti mund të ketë hedhur një pjesë të ngarkesës në det gjatë avarisë.
Pas hetimeve, policia greke ka ushtruar kontrolle në Sarandë dhe ka verifikuar banesën e Edmond Musait dhe familjarëve të tij, por ende nuk ka pasur rezultate. Mjeti lundrues dyshohet të jetë nisur nga Saranda mbrëmjen e së enjtes dhe ka pësuar avari në orët e para të mëngjesit të së premtes.
Policia dhe autoritetet e Korfuzit dhe Igumenicës janë duke bashkëpunuar me Prokurorinë e Sarandës për hetimin e mundshëm të trafikut ndërkombëtar të drogës. Edmond Musa, i njohur për lidhjet e tij me trafikun e drogës dhe si një skafist i vjetër, dyshohet për kryerjen e linjës së trafikut të drogës drejt Korfuzit.
