Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
Ulja e popullsisë se re në moshë/ Numri i diplomave në rënie, më i prekuri arsimi 9-vjeçar
m.lPërditësimi i fundit 13 Maj 2025, 07:42
TIRANË- Ulja e popullsisë se re në moshë është duke reduktuar ndjeshëm sektorin e arsimit e për pasojë edhe forcën e punës në të ardhmen. Të dhënat zyrtare të INSTAT për diplomimet tregojnë se në vitin akademik 2023-2024 në të gjitha nivelet e arsimit numri i diplomave të marra ra me 1 për qind në krahasim me vitin akademik 2022-2023.
Rënien më të madhe e kishin diplomat në arsimin 9-vjeçar për shkak të reduktimit më të fortë të popullsisë në këtë grup-moshë nga lindjet e pakta dhe emigracionit të lartë në moshat e reja në dekadën e fundit.
Në vitin shkollor 2023-24, u diplomuan në arsimin zyrtar 82.712 nxënës dhe studentë me rënie vjetore 1%.
Në arsimin 9-vjeçar, nga 27.705 të diplomuar, më rënie vjetore 2.7%.
Në arsimin e mesëm të lartë, u diplomuan 26.729 të diplomuar, 1.3 % më pak, krahasuar me vitin e kaluar akademik.
Në arsimin e mesëm të lartë profesional, nga 3.174 të diplomuar, ,ë rënie vjetore 1.2%.
Në vitin akademik 2023-2024, nga 28.193 studentë të diplomuar në arsimin e lartë, 65,8% ishin studente femra.
Fusha “Biznes, administrim dhe ligj” është më e preferuara për femrat, me 25,9% të të diplomuarave femra. Fusha “Inxhinieri, prodhim dhe ndërtim” është më e preferuar nga meshkujt, me 25,2% të të diplomuarve meshkuj.
Në vitin shkollor 2023-2024 në arsimin 9-vjeçar u diplomuan 27.705 nxënës, nga të cilët 51,4 % ishin meshkuj dhe 48,6 % femra. Në arsimin e mesëm të lartë u diplomuan 26.729 nxënës, ku, 3.174 nxënës ishin të diplomuar në arsimin e mesëm profesional, me dominancë meshkuj me 82,7 %.
Të diplomuarit e arsimit të mesëm të lartë profesional përbëjnë 11,9 % të të diplomuarve gjithsej në arsimin e mesëm të lartë. Në arsimin pas të mesëm jo të lartë u diplomuan 85 persona, prej të cilëve 24,7 % femra dhe 75,3 % meshkuj. Fushat në të cilat u diplomuan janë: “Ndërmjetësim i pasurive të paluajtshme”, “Diagnostikim-menaxhim në autoservis” dhe “Dizajn dhe Modë”.
Arsimi i lartë Në vitin akademik 2023-2024, u diplomuan në arsimin e lartë 28.193 studentë. Studentët e diplomuar në programet “Bachelor” përbëjnë 51,3 % e studentëve të diplomuar gjithsej, ndjekur nga programet “Master” me 43,1 %. Në të gjithë programet e arsimit të lartë, në këtë vit akademik, u diplomuan 18.555 studente femra, ose 65,8 % e numrit të përgjithshëm të studentëve të diplomuar në arsimin e lartë.
Fusha në të cilën janë diplomuar më shumë studentë në të gjitha programet është “Biznes, administrim dhe ligj” prej 24,4 % ose rreth një e katërta e numrit të përgjithshëm të të diplomuarve.
Analiza për secilën fushë të studimeve tregon se femrat në krahasim me meshkujt janë diplomuar më shumë në “Shkenca sociale, gazetari dhe informacion” (83,0 %), ndjekur nga “Shkenca arsimi” (81,7 %) dhe “Shëndet dhe mirëqenie” (78,9 %). Fushat në të cilat janë diplomuar më shumë meshkujt krahasimisht me femrat janë “Shërbime” (67,3 %), “Inxhinieri, prodhim dhe ndërtim” (63,1 %) dhe “Teknologji e informacionit dhe komunikimit” me (56,2 %)./ Monitor
