Një shpërthim me lëndë të dyshuar plasëse është regjistruar në orët e para të mëngjesit të so...
AKTUALITET
“Unë i bëra të gjitha vetë”/ Dalin në dritë detaje të reja tronditëse nga vrasja e Ilarias në Romë, autori para hetuesve: Nuk e kisha paramenduar...
r.llPërditësimi i fundit 4 Prill 2025, 18:56
ilaria sula
ITALI - Mark Antony Samson, 23-vjeçari i akuzuar për vrasjen e ish-të dashurës së tij, Ilaria Sula, ka deklaruar para gjykatësit hetues se nuk e kishte paramenduar krimin. Marrja në pyetje, që zgjati mbi pesë orë në burgun Regina Coeli, u zhvillua për të vërtetuar arrestimin e tij.
Sipas hetimeve, Samson e vrau Ilaria Sulën në mëngjesin e 26 marsit, pasi ajo kishte kaluar natën në shtëpinë e tij në Romë. Ai shpjegoi se viktima kishte ardhur në apartamentin e tij në Via Homs, lagjja Afrikane, mbrëmjen e 25 marsit për t’i kthyer disa rroba.
Pasi qëndroi deri vonë, ajo vendosi të flinte atje për të shmangur udhëtimin me transportin publik. Sipas tij, ata së fundmi kishin përfunduar një lidhje që kishte zgjatur disa muaj, por që kishte pasur shumë ulje-ngritje.
Prokurorët e akuzojnë Samsonin për vrasje të rëndë me dashje dhe fshehje të kufomës, pasi ai tentoi të eliminonte trupin e Ilarisë duke e futur në një valixhe dhe duke e hedhur në një luginë.
“Unë i bëra të gjitha vetë” Gjatë marrjes në pyetje, 23-vjeçari pretendoi se e kishte kryer gjithçka i vetëm dhe nuk pranoi të jepte informacione mbi rolin e prindërve të tij, duke ushtruar të drejtën për të mos u përgjigjur. Ai pranoi se e kishte pastruar vendin e krimit për të fshehur provat para se të largohej.
Hetimet vazhdojnë për të zbardhur të gjitha rrethanat e ngjarjes, ndërsa autoritetet po shqyrtojnë provat për të përcaktuar nëse ai kishte ndihmës apo nëse vrasja ishte vërtet një veprim i paramenduar.
