Kancelari i Gjermanisë, Friedrich Merz , ka akuzuar partinë e ekstremit të djathtë Alternative für Deutschland (AfD) se kërkon &...
AKTUALITET
Pamje të rënda/ Epidemi te qentë apo helmim në Bashkinë e Gjirokastrës?
PiranjatPërditësimi i fundit 27 Dhjetor 2025, 09:23
Aktivisti Emin Kokalari ka ngritur shqetësimin për helmimin e qeneve në Gjirokastër.
Punonjës të Bashkisë helmojnë qentë dhe macet në mënyrë të pamëshirshme me urdhër të kryebashkiakut Flamur Golemi.
Ndërkohë në kallëzimin e drejtuar Prokurorisë çështja kanë marr përgjigje jo reale, pasi ky institucion pretendon se qentë kanë ngordhur për shkak të sëmundjeve dhe jo helmimit. Por siç duket qartë në video qentë nxjerrin shkumë nga goja, shenjë e pasojave të helmimit.
Kjo është një shkelje flagrante e të drejtave të kafshëve por edhe ngre pikëpyetje:
Ku shkojnë fondet për katër putroshat në qendrat e kafshëve në varësi të Bashkisë?
Denoncimi i plotë
Në qytetin tonë kafshët nuk helmohen, ato vetëvendosin të ngordhin, se kështu i bie më bukur në letra zyrtare.
Prokuroria, me seriozitet olimpik, na thotë se nuk dihet nëse janë helmuar apo kanë vdekur nga ndonjë sëmundje misterioze, pra një hetim i nivelit “hidh short” ose "tafti bafti".
Nëse qenka sëmundje, atëherë kemi një epidemi aktive në qytet të rrezikshme dhe askush s’e ka vënë re, as veterinerët, as bashkia, as shteti dhe mbi të gjitha nuk po reagon askush duke mundësuar që kjo sëmundje vdekjeprurëse të pësojë ndonjë mutacion dhe të transmetohet dhe tek njerëzit (që ishalla zëntë komunistët).
Autorët nuk janë gjetur, megjithëse zona është e mbuluar plot me kamera, por mesa duket kamerat shërbejnë vetëm për dekor ose për të parë kush shkel barin në kalldrëmin e pazarit.
Kjo nuk është drejtësi, kjo është tallje me banorët, një shfaqje ku institucionet luajnë rolin e budallait dhe qytetarët paguajnë biletën me taksa.
Çështja do të shkojë më lart, sepse kur ligji bëhet meme, reagimi bëhet detyrim, dhe po, do të ketë kallëzim penal, ankesa apo masa të tjera që do të kërkohen në institucionet të tjera kundër vetë prokurorisë së Gjirokastrës apo personave përgjegjës që ndoshta marrin rrogën për të mos punuar.
Faleminderit shtetit dhe prokurorisë që na mbrojnë jetën, ligjin dhe kafshët… dhe që na trajtojnë si budallenj me vula dhe firma.
