Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
INVESTIGIME
VIDEO/ Investigimi i “Piranjave” kap trafikantin e armëve, ja si u zbulua dhe u arrestua 38-vjeçari me arsenal municionesh në Fier
PiranjatPërditësimi i fundit 12 Tetor 2025, 15:51
“Piranjat” vazhdojnë misionin për të luftuar krimin, korrupsionin, padrejtësitë dhe imoralitetin në Shqipëri.
Së fundmi, falë investigimit të gazetarëve të “Piranjave” është bërë e mundur që policia të zbulojë një aktivitet të trafikimit të armëve, në një shtëpi të braktisur në Fier, si dhe të arrestojë trafikantin 38-vjeçar, Milasin Ramaj.
“Piranjat” punuan intensivisht në këtë çështje, teksa gjatë tentativës për t’i shitur një armë pistoletë me vlerë 3500€ grupit të infiltruar të emisionit “Piranjat”, trafikanti u arrestua në flagrancë nga Policia e Fierit, pas informacioneve të dhëna.
Ndërkohë, disa minuta pas arrestimit të 38-vjeçarit, u zbulua shumë pranë biznesit të tij edhe një arsenal armësh në një shtëpi të pabanuar.
Në banesën e Ramajt u gjetën 13 armë zjarri dhe sasi e madhe municioni luftarak.
Vlen të theksohet se finalizimi i këtij investigimi të “Piranjave”, me arrestimin e trafikantit të armëve, është një hap drejt eliminimit të disa armëve nga qarkullimi në vendin tonë, që duket se së fundmi janë bërë lehtësisht të gjetshme dhe që thuajse çdo ditë po shkaktojnë viktima në Shqipëri.
