Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
Vota e diasporës, Celibashi: Fleta e votimit do u shkojë emigrantëve në banesë, ja si do të procedohet me kthimin e zarfit mbrapsht pas plotësimit
r.llPërditësimi i fundit 10 Prill 2025, 11:47
celibashi
TIRANË- Kryetari i Komisionit Qendror të Zgjedhjeve, Ilirjan Celibashi ka folur sot lidhur me procedurën e mbërritjes së fletës së votimit në duart e shqiptarëve dhe pastaj kthimin sërish në Shqipëri.
Celibashi shprehet se procesi i shpërndarjes së fletëve pritet të mbyllet para datës 3 maj. Ai tha se postieri do të shkojë disa herë në shtëpinë e emigrantit dhe nëse nuk e gjen do t'i lihet shënim votuesit, që dokumentacioni zgjedhor ndodhet në zyrë postare, që të shkojë ta tërheqë.
Kreu i KQZ tregoi gjithashtu se do të duhet 4-5 ditë për ta kthyer mbrapsht fletën. Celibashi bëri me dije se çdo zarf që ka vulën e hyrjes, pas datës 11 maj dhe orës 19:00, nuk i nënshtrohet procesit të numërimit
“Koha që do kenë në dispozicion, nëse fillojmë shpërndarjen të hënën që vjen, brenda një dite, për Italinë, Greqinë, do e kenë zarfin në shtëpinë e tyre. Data 2-3 maj, të jetë data e fundit. Postieri do të shkojë herën e parë, nëse nuk e gjen, do i lërë shënim dhe një orar. Edhe nëse herën e tretë nuk realizohet, do i lihet shënim votuesit, që dokumentacioni zgjedhor ndodhet në zyrë postare, ku mund të paraqitet për ta tërhequr. Nëse deri në datën 3 maj, jo përtej një date të tillë, duhet llogaritur dhe koha që duhet të kthehet zarfi në Shqipëri. Do duhet 4-5 ditë për ta kthyer mbrapsht. Çdo zarf që ka vulën e hyrjes, pas datës 11 maj dhe orës 19:00, nuk i nënshtrohet procesit të numërimit”, tha ai.
Gjithashtu, Celibashi ka folur dhe lidhur me mënyrën se si do të realizohet kthimi i zarfit me fletën e votimit të zgjedhjeve të 11 majit në Shqipëri.
“Votuesi nga jashtë nuk ka nevojë të shkojë në një zyrë postare. Në momentin që ka përfunduar procesin e votimit, do ta fusë në zarfin A, zarfin A do ta fusë tek zarfi B, më pas zarfin B do ta fusë në zarfin e postës. Më pas do të telefonojë operatorin e shërbimit postar”, tha kryekomisioneri.
