Nga Mevlan Shanaj:
REQUIEM PËR NJË BESIM
Edi Rama,
Sot po të shkruaj jo si kundërshtar politik, por si një njeri që t&eum...
AKTUALITET
Vrasja e ish-policit Arben Bilali, Gjykata e Apelit urdhëron prokurorinë të rinisë hetimet
PiranjatPërditësimi i fundit 21 Maj 2026, 11:24
Gjykata e Apelit ka vendosur që Prokuroria të rinisë hetimet për vrasjen e ish-policit Arben Bilali, i ekzekutuar më 30 janar 2019 në zonën e Selitës, Tiranë. Për këtë ngjarje, person nën hetim mbetet Gjergj Cukali, i akuzuar për atentatin.
Arben Bilali, ish-efektiv i Policisë së Shtetit, po udhëtonte me një mjet tip “Hyundai” me targa AA867HX kur u qëllua për vdekje me 14 plumba nga persona ende të paidentifikuar.
Autorët u larguan nga vendngjarja me një makinë tip “Benz”. Pavarësisht ndërhyrjes së shpejtë mjekësore, Bilali nuk arriti të mbijetonte.
Ngjarja dyshohet të ketë ndodhur për motive hakmarrjeje, pasi familja e Bilalit ka qenë e përfshirë në konflikte të hershme me dy familje të tjera në kryeqytet.
Përplasjet kanë prodhuar disa viktima, përfshirë edhe dy vëllezër të Bilalit të ekzekutuar në vitet 1997 dhe 2010 në të njëjtën zonë.
Gjykata deklaroi “Ndryshimin e vendimit nr. – (s’ka) dt. 14.10.2020 të Gjykatës së rrethit Gjyqësor Tiranë, si më poshtë:
– Mospranimin e kërkesës së Prokurorisë së Rrethit Gjyqësor Tiranë, sot
Prokuroria pranë Shkallës së Parë te Juridiksionit të Përgjithshëm Tiranë.
– Kthimin e akteve për vazhdimin e hetimeve në kuadër te procedimit penal nr.
1006 dt. 30.01.2019, regjistruar për veprat penale te “Vrasjes me paramendim” dhe “Prodhimi dhe mbajtja pa leje e armeve luftarake”, parashikuar nga nenet 78/2 dhe 278/2 të K.Penal, me person nën hetim Gjergj Cukali, sipas drejtimit e veprimeve të domosdoshme hetimore të përcaktuara në pjesën arsyetuese te ketj vendimi.
– Caktimin e një afati 3/mujor për kryerjen e këtyre veprimeve, afat i cili fillon nga momenti i njoftimit te këtij vendimi.
– Një kopje e këtij vendimi t’i njoftohet Drejtuesit të Prokurorisë së Shkallës së
Parë te Juridiksionit te Përgjithshëm Tiranë.
– Ndaj këtij vendimi lejohet rekurs sipas ligjit në Gjykatën e Lartë.
