Reperi i njohur kosovar, Capital T, u ka bërë thirrje mediave në Kosovë që tu kushtojnë më shumë vëmendje zhvillime...
AKTUALITET
Vrasja e recepsionistit në Dhërmi/ Lihen në burg 2 punonjësit e hotelit që fshehën provat e krimit: Gerald Shehu na kërcënoi me armë zjarri!
r.llPërditësimi i fundit 9 Qershor 2024, 13:26
daniel qose, david larti
VLORË- Gjykata e Vlorës ka lënë në burg dy punonjësit e hotelit "Greccia" në Dhërmi ku u vra me armë zjarri nga Gerald Shehu, recepsionisti Erald Nevruzi. Dy punonjësit Daniel Qose dhe David Larti akuzohen se kanë ndihmuar autorin në fshehjen e provave pas kryerjes së krimit dhe gjithashtu kanë ndihmuar në mbështjelljen e trupit të viktimës me qese mbeturinash dhe futjen në makinën e Shehut.
Para gjykatës, dy të rinjtë kanë shfaqur pendesë dhe kanë përsëritur se të gjitha veprimet i kanë bërë pasi pronari i ka kërcënuar me armë. Ata kanë zhdukur të gjitha provat e vrasjes, duke djegur sendet personale, telefonin dhe rrobat e 31-vjeçarit në furrën e picerisë. Pas arrestimit, ata patën deklaruar në polici, se vrasja ka ndodhur pas një konflikti mes autorit dhe viktimës, ku pasi kanë dalë nga dhoma e stafit, Shehu e ka qëlluar Nevruzin me dy plumba tek shkallët e hotelit.
Pas vrasjes dhe hedhjes së trupit, autori i krimit Greald Shehu ka përdorur pikën e Kalimit Kufitar të Qafë Botës për të kaluar drejt Greqisë. Pas kësaj ai shkoi në Igumenicë e më pas me traget drejt Korfuzit. Ai pretendonte të shfrytëzonte më pas aeroportin e ishullit për të udhëtuar drejt Anglisë, por në këtë aeroport është vënë në pranga nga policia vendase. Drejtori i policisë, Muhamet Rrumbullaku tha se po vijohet me procedurat për esktradimin e tij, ndërsa pritet edhe dëshmia e autorit për zbardhjen e shkaqeve që çuan në vrasjen e të riut. Nga hetimet e deritanishme thuhet se dy janë pistat paraprake të hetimit, një për konflikt banal të çastit dhe tjetra për njohje të mëparshme dhe përfshirje në aktivitete të paligjshme në Angli.
