Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
AKTUALITET
Vrau gruan e pronarit në Shkodër me porosi të tij, Gjykata Kushtetuese hedh poshtë pretendimet e të dënuarit përjetë
M.B.Përditësimi i fundit 12 Prill 2025, 22:08
TIRANA- Gjykata Kushtetuese ka vendosur të lërë të pandryshuar dënimin me burgim të përjetshëm ndaj Fatjon Karmeshtnës, i shpallur fajtor për vrasjen e një gruaje në Melgushë të Shkodrës, në prill të vitit 2016. Ai është dënuar në të tre shkallët e gjyqësorit për vrasjen e Suela Sulës, bashkëshortes së Sadetin Sulës, pronar i mobilerisë ku Karmeshtna punonte. Krimi, sipas vendimeve gjyqësore, është kryer me urdhër të Sadetin Sulës.
Para Gjykatës Kushtetuese, ai kërkoi shfuqizimin e tre vendimeve gjyqësore, duke pretenduar se gjykatat e mëparshme nuk kishin kryer hetim të plotë dhe të gjithanshëm, se kishin injoruar prova të kërkuara prej tij dhe se vendimet ishin bazuar në prova të paqena dhe të pa mbledhura sipas ligjit. Në shqyrtimin paraprak të ankimit, një kolegj prej tre anëtarësh i Gjykatës Kushtetuese konstatoi se pretendimet e Karmeshtnës për cenim të të drejtave kushtetuese ishin të pabazuara.
Më 18 prill të 2016 Karmeshtna mbyti me duar Suela Sulën, në tualetin e mobilerisë së saj me urdhër të bashkëshortit Sadedin Sula. Në provat kundër tij ishte edhe një regjistrim audio i bërë nga telefoni i viktimës. Në këtë material dëgjohej se si Sadedin Sula dhe i dënuari, Karmeshtna, flasin me njëri-tjetrin për vrasjen. Ata flisnin me njëri-tjetrin, pasi dyshonin se Sula Sula tradhtonte burrin e saj. Sadedin Sula kishte frikë se gruaja e saj mund të ndahej nga ai dhe i merrte gjysmën e pasurisë.
Fatjon Karmeshtna u arrestua në vitin 2018, gati dy vjet pas ngjarjes, kur Suela Sula u gjet e pajetë në tualetin e mobilerisë në pronësi të bashkëshortit të saj, Sadetin Sula. Fillimisht, dyshimet u përqendruan vetëm te biznesmeni, por hetimet zbuluan se ai ishte organizatori i krimit.
