Ka nisur protesta e pestë në mbrojtje të Zvërnecit, ku qytetarët kundërshtojnë projektin për ndërtimin e një r...
BOTA
Aksidenti tragjik/ Përplaset tramvaji, të paktën 15 viktima e shumë të plagosur
PiranjatPërditësimi i fundit 3 Shtator 2025, 21:43
Të paktën 15 persona kanë vdekur dhe 20 të tjerë janë plagosur pasi një tramvaj elektrik në Lisbonë doli nga shinat.
Sipas raporteve fillestare, një nga kabllot që furnizonte tramvajin u këput, duke shkaktuar rënien e kabinës. Më pas, kabina u përplas me një nga ndërtesat ngjitur me shinat.
Tramvaji, i cili lidh pjesën e poshtme të qendrës së kryeqytetit portugez me lagjen “Barrio Alto”, është mjeti më i popullarizuar i transportit për turistët. Ambulanca, zjarrfikës dhe automjete të Mbrojtjes Civile ishin në vendngjarje për të nxjerrë të plagosurit nga rrënojat.
Drejtoresha e Mbrojtjes Civile, Margarida Castro Martins, raportoi se dy nga të plagosurit janë në gjendje kritike, ndërsa pesë në gjendje të lehtë.
Zona qendrore është gjithashtu e mbushur me këmbësorë dhe klientë të lokaleve aty pranë. Presidenti portugez Marcelo Rebelo de Sousa, shprehu "ngushëllimet e tij më të thella", veçanërisht "për vdekjet dhe lëndimet e rënda". Tramvaji “Gloria”, i aftë të mbajë deri në 42 persona, është një nga simbolet e qytetit dhe është shumë i popullarizuar në mesin e turistëve.
Linja, e cila u hap në vitin 1885, lidh qendrën e qytetit të Lisbonës pranë Sheshit Restauradores me Bairro Alto, e famshme për jetën e saj të gjallë të natës. Ajo operohet nga kompania e transportit publik bashkiak Carris.
