Në pamjet e publikuara duket momenti kur ish-shefja e financës në Postën e Durrësit, Valbona Duni është futur në ar...
BOTA
Armëpushimi në Gaza dhe pengjet/ Drejtorët e Mossad dhe CIA-s takim në Doha këtë fundjavë
M.B.Përditësimi i fundit 24 Tetor 2024, 21:06
KATAR- Një takim pritet të zhvillohet këtë fundjavë në Katar për të rifilluar bisedimet mbi një marrëveshje të mundshme për pengjet dhe armëpushimi në Gaza. Sipas mediave të huaja, kryeministri i Katarit Mohammed bin Abdulrahman Al Thani pritet të presë në takim të dielën drejtorin e CIA-s, Bill Burns dhe drejtorin e Mossad-it, David Barnea.
Zyrtarët pritet të diskutojnë perspektivat e një propozimi të ri, ndërsa është ende e paqartë se kush do të flasë në emër të Hamasit, por pika kryesore e kontaktit të grupit militant jashtë Gazës për negociatat është Khalil Al-Hayya.
Më herët, Sekretari amerikan i Shtetit, Antony Blinken, ka thënë se Izraeli e ka përmbushur synimin e tij për ta “shkatërruar suksesshëm Hamasin”, dhe se bisedimet për një armëpushim dhe për lirimin e pengjeve të mbetura në Gazë, do të rifillojnë në ditët në vijim.
Blinken, duke folur për gazetar në Katar, vendin e cili shërben si ndërmjetës kyç mes Izraelit dhe Hamasit, tha se bisedimet do të rifillojnë në “ditët në vijim”.
“Ajo çfarë duhet të përcaktojmë është nëse Hamasi është i gatshëm për t’u angazhuar”, tha Blinken gjatë vizitës së tij të 11-të në rajon prej se nisi lufta në Gazë para një viti.
