Personi në foto, efektivi i ‘Shqiponjave’ Edison Adri, i cili mbeti i plagosur gjatë operacionit policor të zhvilluar në zon&e...
BOTA
BE ndjek metodën e Trump, planifikon ndalimin e importit të disa ushqimeve
r.llPërditësimi i fundit 17 Shkurt 2025, 15:41
foto ilustruese
EVROPË- Brukseli dëshiron të bllokojë produktet bujqësore, që përmbajnë pesticide të ndaluara në Baskimin Europian. BE-ja dëshiron të bllokojë importet e disa produkteve ushqimore të bëra sipas standardeve të ndryshme, për të mbrojtur fermerët e saj në një jehonë të politikës tregtare “reciproke” të presidentit amerikan Donald Trump.
Objektivat e hershme mund të përfshijnë kulturat e SHBA-së, të tilla si soja, të cilat rriten duke përdorur pesticide, që fermerëve në BE nuk u lejohet t’i përdorin.
Trump sulmoi vendet që bllokuan produktet amerikane, duke përfshirë BE-në, për të cilën ai tha se ndaloi futjen e disa produkteve të detit në 48 nga 50 shtetet e SHBA-së. Ai ka kërcënuar me tarifa për ata që nuk ndryshojnë politikën e tyre.
Komisioni ka kundërshtuar prej kohësh thirrjet nga Franca dhe shtetet e tjera anëtare për trajtim reciprok, duke argumentuar se mund të jetë në kundërshtim me rregullat e OBT-së. Organi lejon vetëm kufizime mbi baza shkencore, që nuk diskriminojnë importet.
BE-ja ndalon shumë pesticide sepse ato dëmtojnë bimët ose kafshët – edhe pse agjencia e saj shëndetësore ka vendosur që disa janë të sigurta për t’u konsumuar në nivele të ulëta.
Plani i BE-së përfshihet në një plan udhërrëfyes të Vizionit për Bujqësinë, të hartuar nga komisioneri për bujqësinë Christophe Hansen.
Komisioneri i Shëndetësisë i BE-së, Oliver Várhelyi, tha se pesticidet që përdorin kancerogjenë, mutagjenë ose që ndikojnë në zhvillimin hormonal, nuk duhet të lejohen në bllok për ushqimet e importuara.
Një substancë e tillë është paraquat, herbicid i ndaluar në BE, por i përdorur në SHBA në kulturat bujqësore, përfshirë sojën.
Pesticide Action Network Europe gjeti pesticide të tilla si fungicidi propikonazol dhe insekticide neurotoksike, që vrasin bletët në shumë importe, sipas një raporti të publikuar në fillim të këtij muaji.
Çaji dhe kafeja ishin produktet më të zakonshme me mbetje pesticidesh të ndaluara, me 38 % të mostrave të çajit dhe 23 % të kafesë. Pothuajse një e katërta e mostrave nga India dhe 17 % nga Kina, të dy kultivues të mëdhenj të çajit, përmbanin mbetje të ndaluara të pesticideve.
Komisioni do të përfshijë gjithashtu në marrëveshjet e ardhshme tregtare standarde më të larta të mirëqenies së kafshëve. BE ka rregulla për sasinë e hapësirës për pulat dhe viçat, pastërtinë e akomodimit dhe kushte të tjera që rrisin kostot për fermerët.
Një nga zyrtarët tha se do të rriste mbështetjen publike për marrëveshjet tregtare, pasi parlamentet kombëtare kishin refuzuar të ratifikonin disa marrëveshje të fundit, për shkak të ndikimit të tyre të perceptuar mbi fermerët dhe mjedisin./MONITOR
