Forcat e armatosura të SHBA-së dhe Izraelit po planifikojnë të rifillojnë sulmet ndaj Iranit pas zgjedhjeve të mesit të man...
BOTA
E rëndë në Indi/ Nëna hodhi të birin 6-vjeçar me aftësi të kufizuara në një lumë të mbushur me krokodil, zvarranikët e kafshojnë për vdekje
E.DPërditësimi i fundit 7 Maj 2024, 15:46
foto ilustruese
INDI- Një nënë e ka hedhur djalin e saj gjashtëvjeçar me aftësi të kufizuara në një lumë të mbushur me krokodil, ku thuhet se është sulmuar për vdekje nga zvarranikët. Savitri Kumar, 26 vjeç kishte një debat të ashpër me babanë e djalit, Ravi Kumar, 27 vjeç, i cili e urdhëroi në mënyrë të përsëritur që ta largonte sa më larg fëmijën.
Kur prindërit u grindën përsëri për djalin e tyre të shtunën në mbrëmje, Savitri u shqetësua dhe thuhet se e hodhi djalin e saj në një kanal mbeturinash që derdhet në lumin Kali, i cili është i mbushur me krokodilë. Gjithashtu fqinjët që e panë këtë lajmëruan policinë, e cila vendosi zhytës për të kërkuar djalin në ujë, por pa rezultat, pasi errësira i pengonte operacionet.
Megjithatë ata u rikthyen të dielën në mëngjes dhe gjetën trupin e fëmijës, që kishte kafshime në pothuajse çdo pjesë të trupit. 6-vjeçari kishte pësuar shumë lëndime dhe i mungonte njëra dorë, që policia konstatoi se i është kafshuar nga krokodilët. Ndërsa autoritetet urdhëruan kryerjen e autopsisë për të përcaktuar shkakun e saktë të 6-vjeçarit. Po ashtu çifti gjithashtu ka një djalë tjetër dy vjeç dhe thuhet se shpesh grinden për pengimin e të folurit të djalit të tyre. Sipas raportimeve një oficer policie i tha mediave lokale se ishte një rast vrasje dhe se burri dhe gruaja janë arrestuar.
