Gjykata e Tiranës ka caktuar masën e sigurisë detyrim paraqitjeje për 18 persona të arrestuar gjatë protestave në Tiran&eum...
BOTA
Eurovision 2026: Nëntori vendimtar për pjesëmarrjen e Izraelit
PiranjatPërditësimi i fundit 1 Tetor 2025, 15:51
Pjesëmarrja e Izraelit në Eurovision 2026 mbetet e paqartë, teksa një numër vendesh kanë paralajmëruar bojkot nëse vendi lejohet të marrë pjesë.
Debati është ndezur për shkak të luftës në Gaza, me Slloveninë dhe transmetuesit publikë nga Spanja, Holanda, Irlanda dhe Islanda që tashmë kanë deklaruar se do të tërhiqen nga gara në rast se Izraeli pranohet. "Nëse Izraeli është atje, ne nuk do të jemi atje", theksoi presidentja e RTV Slovenia, Natalija Gorscak.
Në kushtet e presionit, Unioni Evropian i Transmetimeve (EBU), organizatori i Eurovisionit, ka njoftuar se çështja do të zgjidhet përmes një votimi emergjent. Sipas presidentes së EBU-së, Delphine Ernotte-Cunci, situata kërkon një vendimmarrje më të gjerë dhe demokratike, ndaj 68 vendet anëtare do të thirren në një mbledhje të posaçme në fillim të nëntorit.
Vendimi do të merret me shumicë të thjeshtë. Nëse mbi 50% e anëtarëve votojnë për përjashtimin, Izraeli nuk do të marrë pjesë në edicionin e ardhshëm.
Eksperti i Eurovisionit, Dr. Paul Jordan, e konsideroi këtë një sfidë të paprecedentë për organizatën: "Transmetuesi izraelit nuk ka shkelur rregullat, por përfshirja e tyre mund të dëmtojë kredibilitetin e konkursit. Në fund të fundit, duhet të fokusohemi te muzika."
Izraeli u rendit i dyti në Eurovision 2025 me këngëtaren Yuval Raphael. Ndërkohë, edicioni i vitit 2026 do të zhvillohet në Vjenë, Austri.
