Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
BOTA
Forcat amerikane shkatërrojnë dronin Houthi në Jemen
E.DPërditësimi i fundit 18 Gusht 2024, 22:47
JEMEN- Forcat amerikane kanë shkatërruar një dron Houthi në Jemen, tha Komanda Qendrore e SHBA (CENTCOM).
"Në 24 orët e fundit, forcat e Komandës Qendrore të SHBA-së shkatërruan me sukses një mjet ajror pa ekuipazh (UAV) të mbështetur nga Huthi, në një zonë të kontrolluar nga Houthi të Jemenit," shkroi ai në faqen e tij X.
Pas përshkallëzimit të konfliktit palestinezo-izraelit në Rripin e Gazës, Houthi-t paralajmëruan se do të nisnin sulme në territorin izraelit, ndërsa do të ndalonin anijet e lidhura me shtetin hebre të kalojnë nëpër ujërat e Detit të Kuq dhe ngushticës Bab el-Mandeb.
Kjo deri kur Tel Avivi të pushojë operacionin e tij ushtarak kundër grupit radikal palestinez Hamas në enklavën e sulmuar. Që nga mesi i nëntorit, dhjetëra anije civile janë sulmuar nga Houthi në Detin e Kuq dhe Gjirin e Adenit.
Në përgjigje të veprimeve të Ansar Allah, autoritetet amerikane njoftuan krijimin e një koalicioni ndërkombëtar dhe përgatitjet për një operacion të koduar Prosperity Guardian, që pritet të sigurojë lirinë e lundrimit dhe mbrojtjen e anijeve në Detin e Kuq. Që atëherë, Shtetet e Bashkuara dhe Mbretëria e Bashkuar kanë kryer rregullisht sulme ndaj objektivave Houthi në Jemen.
