TIRANË- Ambasada amerikane në Tiranë ka publikuar së fundmi një mesazh të rëndësishëm për qytetarët n&e...
BOTA
FOTO/ "Bardhë e Zi!" Shtëpia e Bardhë zbulon portretin zyrtar të Zonjës së Parë të SHBA-së, Melania Trump
M.B.Përditësimi i fundit 28 Janar 2025, 09:37
SHBA- Shtëpia e Bardhë ka publikuar porteretin zyrtar të Zonjës së Parë të SHBA-së, Melania Trump. E shkrepur në Shtëpinë e Bardhë një ditë pasi bashkëshorti i saj u betua si president, fotoja bardh e zi e tregon Melania-n të veshur me një kostum biznesi të errët dhe këmishë të bardhë ndërsa mbështet duart në një tavolinë reflektuese në dhomën e verdhë ovale.
Ndërkohë, monumenti i Uashingtonit, i cili ngrihet mbi kryeqytetin e vendit, shihet në sfond. Portreti është shkrepur nga Régine Mahaux, një fotografe nga Belgjika që ka bërë foto të familjes Trump për më shumë se 20 vjet.
Ajo fotografoi gjithashtu portretin zyrtar të zonjës Trump në vitin 2017, për mandatin e parë të Trump në detyrë.
“Isha vërtet e nderuar që u zgjodha për të fotografuar këtë portret zyrtar për herë të dytë. Si artiste të punosh me një grua kaq frymëzuese është një privilegj i madh. Ajo është një perfeksioniste dhe është me të vërtetë e përfshirë në procesin krijues", tha Mahaux për BBC të hënën.
