Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
BOTA
Heqja e vizave nga Kosova për shtetasit e Bosnjës, Sarrazin: Lëvizje pozitive! Evropianët nuk do të ndryshojnë qëndrim për sanksionet ndaj Dodik
n.fPërditësimi i fundit 15 Tetor 2024, 17:51
Sarrazin
KOSOVË- Emisari gjerman për Ballkanin Perëndimor, Manuel Sarrazin e ka cilësuar lëvizje pozitive heqjen e njëanshme të vizave nga Kosova për shtetasit e Bosnje e Hercegovinës. Lajmi u konfirmua ditën e djeshme nga kryeministri Albin Kurti gjatë samitit të Procesit të Berlinit ndërsa heqja e vizave do të hyjë në fuqi nga janari i vitit që vjen.
“Është pozitive dhe lëvizje e mirë nga Qeveria e Kosovës që t’i lejojë qytetarët e Bosnjës të lëvizin lirshëm në Kosovë. Ky është shpirti që promovon Procesi i Berlinit dhe shpresoj që përfaqësuesit e entitetit të Republikës Serbe të pajtohen rreth atyre që promovon Procesi i Berlinit”, tha Sarrazin.
Emisari gjerman tha se ky është shpirti që promovon Procesi i Berlinit, ndërsa shtoi se shpreson që përfaqësuesit e entitetit të Republikës Serbe të pajtohen rreth atyre që promovon Procesi i Berlinit. Ai më tej theksoi se evropianët nuk do të ndryshojnë qëndrim sa i përket sanksioneve ndaj Milorad Dodikut, kryetarit të Republikës Serbe në Bosnjë-Hercegovinë, për bllokimin e lëvizjes së lirë të qytetarëve të Kosovës në Bosnje e Hercegovinë.
“E kemi bërë të qartë se kjo për neve është e domosdoshme dhe po ashtu Komisioni Evropian dhe partnerët tjerë evropianë kanë bërë përpjekje për ta finalizuar këtë. Por, po ashtu ua kemi bërë të qartë se nuk do të japim karamele për këtë, nuk do të paguajmë, nuk do të ndryshojmë qëndrim sa i përket sanksioneve të Dodikut, sepse kjo ka të bëjë me përfitimet e qytetarëve të Bosnjë-Hercegovinës dhe Kosovës. Mendoj se çdo qytetar në Kosovë e kupton se nuk do t’i japim karamele Dodikut për të kryer këtë,” tha ai.
Emisari i Gjermanisë i quajti domethënëse arritjet e samitit të Berlinit ku përfshihet plani i ri i veprimeve për tregun e përbashkët rajonal.
