Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
BOTA
"I takon presidentit të vendosë nëse do të kandidojë", Pelosi për Biden: Asgjë nuk është vendosur, kolegët të mos bëjnë deklarata
M.B.Përditësimi i fundit 10 Korrik 2024, 16:39
Joe Biden dhe Nancy Pelosi
SHBA- Nancy Pelosi refuzoi të mbështeste në mënyrë drejtpërdrejt Presidentin Joe Biden si kandidatin presidencial të demokratëve në SHBA. Pelosi ka deklaruar në emisionin "Morning Joe" të MSNBC, se Biden nuk e ka vendosur nëse do të qëndrojë në garë, pavarësisht këmbënguljes së përsëritur të tij se nuk do të braktisë dhe se vendimi i tij është përfundimtar.
Ish-kryetarja demokrate e Dhomës së Përfaqësuesve, Nancy Pelosi inkurajoi kolegët e saj në Kongres që të ndalonin të bënin deklarata publike ose pro ose kundër Biden.
“Le të ndalemi. Çfarëdo që po mendoni, ose ia tregoni dikujt privatisht, por nuk duhet ta vendosni atë në tryezë derisa të shohim se si do të shkojmë këtë javë,” tha Pelosi në “Morning Joe” të MSNBC.
Pelosit deklaroi kështu se ajo beson se Biden është ende duke vendosur nëse do të qëndrojë apo jo në krye të garës.
“I takon presidentit të vendosë nëse do të kandidojë. Ne të gjithë po e inkurajojmë atë që të marrë atë vendim sepse koha është e shkurtër”, tha Pelosi.
Pelosi ka qenë prej kohësh një nga aleatët më të afërt të Biden në Kongres, kështu që refuzimi i saj për të mbështetur Bidenin si kandidat, siç e kanë bërë tashmë shumë demokratë, shkaktoi reagime në të gjithë Kongresin të mërkurën.
